Nk’Oku Yahandiikirwe Marako 16:1-8
-
Yesu ahumbuurwa (1-8)
16 Kandi Sabbiti obu yahoire, Malyamu Magadalene, Malyamu nyina Yakobo hamu na Salome, baagura ebirukuboya nukwo babisiige omubiri gwa Yesu.
2 Nyenkyakara muno izooba limazire kuturuka, ha kiro eky’okubanza omu wiiki, bakaija ha kituuro.
3 Kandi bakaba nibagambirangana bati: “Nooha arakulingura ibaale akalitwihira ha mulyango gw’ekituuro?”
4 Obu baimukize amaiso, baarora ibaale liihirwe ha mulyango gw’ekituuro, n’obu kiraaba ngu likaba liri likooto muno.
5 Obu baataahire omu kituuro, baarora omusigazi aikaliire ha rubaju rw’obulyo, ajwaire orugoye oruraihire orurukwera kandi baahunirra muno.
6 Yabagambira ati: “Mutahunirra, nimuserra Yesu Omunyanazaleesi, ayaitiirwe ha muti. Ahumbwirwe. Hanu taroho. Dora, hanu nuho bakaba bamubyamize.
7 Baitu mugende mugambire abegeswa be na Petero muti: ‘Naagenda Galiraaya, kandi oku nuho muramurorra nk’oku yabagambiire.’”
8 Baaruga omu kituuro batiinire kandi bahuniriire. Baitu habw’okutiina, batagambire omuntu ondi weena.