Nk’oku Yahandiikirwe Matayo 1:1-25
1 Ekitabu eky’ebyafaayo by’okuzaarwa kwa Yesu Kristo,* omwijukuru wa Daudi, omwijukuru wa Iburahimu.
2 Iburahimu akazaara Isaka;Isaka yazaara Yakobo;Yakobo yazaara Yuda na bagenzi be;
3 Yuda yazaara Perezi hamu na Zera, akabazaara omuli Tamali;Perezi yazaara Hezironi;Hezironi yazaara Ramu;
4 Ramu yazaara Aminadabu;Aminadabu yazaara Nasooni;Nasooni yazaara Salimoni;
5 Salimoni yazaara Boazi, akamuzaara omuli Rahabu;Boazi yazaara Obedi, akamuzaara omuli Rusi;Obedi yazaara Yese;
6 Yese yazaara Daudi omukama.
Daudi yazaara Suleimani, akamuzaara omu mukazi wa Uliya;
7 Suleimani yazaara Rehoboamu;Rehoboamu yazaara Abiya;Abiya yazaara Asa;
8 Asa yazaara Yehosafati;Yehosafati yazaara Yehoramu;Yehoramu yazaara Uziya;
9 Uziya yazaara Yosamu;Yosamu yazaara Ahazi;Ahazi yazaara Hezekiya;
10 Hezekiya yazaara Manase;Manase yazaara Amoni;Amoni yazaara Yosiya;
11 Yosiya yazaara Yekoniya na bagenzi be, omu kasumi obu baatwairwe omu Baburoni.
12 Hanyuma y’okutwarwa Baburoni, Yekoniya akazaara Saratieri;Saratieri yazaara Zerubaberi;
13 Zerubaberi yazaara Abiyuda;Abiyuda yazaara Eriyakimu;Eriyakimu yazaara Azoli;
14 Azoli yazaara Zadoki;Zadoki yazaara Akimu;Akimu yazaara Eliyudi;
15 Eliyudi yazaara Eryeza;Eryeza yazaara Matani;Matani yazaara Yakobo;
16 Yakobo yazaara Yusufu iba Malyamu, nyina Yesu, arukwetwa Kristo.
17 Obwijukuru* bwona kuruga hali Iburahimu kuhika hali Daudi bukaba 14; kuruga hali Daudi kuhika h’akasumi ak’okutwarwa Baburoni bukaba buli bwijukuru 14; kandi kuruga ha kutwarwa Baburoni kuhika ha Kristo, bwijukuru 14.
18 Kunu nukwo kuzaarwa kwa Yesu Kristo. Omu kasumi Malyamu nyina akaba ajumbiirwe Yusufu, akatunga enda habw’omwoyo ogurukwera* atakamutwaire kuba mukazi we.
19 Baitu habwokuba Yusufu iba akaba ali musaija ahikiriire kandi akaba atarukugonza kumuswaza, akagonza kumuleka omu nsita.
20 Baitu hanyuma y’okuteekerezaaho ebintu ebi, dora! Malaika wa Yahwe* akamubonekera omu kirooto, yamugambira ati: “Yusufu, mutabani wa Daudi, otatiina kutwara mukazi waawe Malyamu omu ka, habwokuba enda ei aine agitwaire habw’omwoyo ogurukwera.
21 Naija kuzaara omwana, kandi ibara lye olimuruka Yesu, habwokuba alijuna abantu be kuruga omu bibi byabo.”
22 Binu byona bikabaho kuhikiiriza Yahwe ebi yarangire kuraba omuli nabbi we nagamba ati:
23 “Dora! Omwisiki ow’atakabyamaga n’omusaija alitwara enda, azaale omwana omwojo kandi ibara lye balimuruka Imanueri,” ekirukumanyisa, “Ruhanga Ali na Itwe.”
24 Hanyuma, Yusufu akasisiimuka yakora nk’oku malaika wa Yahwe yamugambiire, kandi yatwara mukazi we omu ka.
25 Baitu atateerane na uwe kuhikya obu yazaire omwana omwojo kandi ibara lye yamuruka Yesu.
Obugambo Obuli Hansi
^ Rora, Kusoborra Ebigambo.
^ Rundi, “obusinge.”
^ Rundi, “habw’amaani ga Ruhanga.”
^ Hanu nuho ibara lya Ruhanga Yahwe, lirukubanza kuzooka omu Byahandiikirwe eby’Ekikristaayo eby’Oruyonaani, kandi lirumu emirundi 237.
