Nk’oku omwaka 2023 gutandikire, nitunihira ebirungi haliitwe n’ab’omu maka gaitu. Habwaki tusemeriire kuba n’okunihira nk’oku?

 Baibuli ebazaaho amakuru amarungi ngu ebizibu ebiturukurabamu by’akacu kake kandi nibiija kuhwaho. Ky’amananu ngu Baibuli ‘ekahandiikwa obw’okwegesa itwe, nukwo tube n’okunihira. . . obw’okuhuumura okw’omu byahandiikirwe.’—Abarumi 15:4.

•    Kumanya Baibuli eby’erukuraganiiza, soma ekicweka “Okunihira Kwonyini okw’Akasumi ak’Omumaiso Akarungi.”

 Okunihira Baibuli okw’eha nikusisana “enanga ey’obwomeezi.” (Abaheburaniya 6:19, NWT) Okunihira nikusobora kutukonyera kutekaana. Nikusobora kutukonyera kugumira ebizibu turukurabamu hati, kuba n’entekereza enungi, n’okutunga okusemererwa okw’ebiro n’ebiro. Ekyokurorraho:

•    Manya omulingo okunihira okurukusangwa omu Baibuli kwakonyiire omusaija omutamiizi. Rora vidiyo ’Nkatamwa Omulingo Natwazamuga Obwomeezi Bwange.’

•   Rora omulingo okunihira okurukusangwa omu Baibuli kusobora kutukonyera obutufeerwa omuntu waitu. Rora vidiyo Obukonyezi Hali Abo Abarukuganya.

 Abantu baingi banihira ebirungi, baitu tibarukukigumya ngu birihikirra. Baitu Baibuli eby’erukuraganiza by’embaganiza. Habwaki? Habwokuba Baibuli eby’erukuraganiza nibiruga hali Yahwe a, “Ruhanga atarukusobora okubiha.” (Tito 1:2) Yahwe nuwe wenka aine amaani ag’okuhikiiriza ebyabaraganiize; n’asobora kukora byona ebyarukugonza.—Zabuli 135:5, 6.

 Nitukuraaliza kugasirwa omu kunihira Baibuli okw’eha, itwena okutusobora kwesiga. N’osobora kugyesiga kuraba omu ‘kwekebiija Ebyahandiikirwe.’ (Engeso Ezabakwenda 17:11) Lengaho kumanya ebirukukiraho kuraba omu ntekaniza yaitu ey’okwegesa abantu Baibuli batasaswire sente. Tandika omwaka 2023 n’okunihira!