IKARA OLI BULINDAARA!
Abanyasayansi Bongizeeyo Akalimi ak’Esaaha ey’Erukukikirra Okuhwerekerra—Baibuli n’Ekibazaaho Ki?
Omu Janwali 24, 2023, abanyasayansi bakongezaayo akalimi ak’esaaha a ey’erukukikirra okuhwerekerra bakairiza haihi na saaha mukaaga ez’ekiro, ekirukukikiirra ekiro ekirimalirra nukwo ensi ehwerekerre.
“Ha kiro Kyakabiri, abanyasayansi bakairiza haihi na saaha mukaaga ez’ekiro akalimi k’esaaha akarukukikirra akabi ak’amaani ak’abantu kwehwerekereza obu nibasigikirra ha birukugenda omu maiso omu bulemu obuli omu Ukraine, okutinisiriza okw’okukozesa eby’okurwanisa ebya nukiriya hamu n’empindahinduka omu nyikara y’obwire.”—AFP International Text Wire.
“Ha kiro Kyakabiri, abanyasayansi bakoleka ngu ‘Akalimi k’esaaha eyerukukikirra okuhwerekerra’ kongiirwe omu maiso obutikitiki 90 zitakahikire saaha mukaaga z’ekiro—bunu nubwo obwire obukyakizireyo kuba buke muno kuba haihi n’ekiro ekya Haramagedoni rundi ekiro ekyokuhwerekerra.”—ABC News.
“Akatebe akabanyasayansi ha rulengo rw’ensi yoona kahabwire ngu emigisa ey’abantu kwehwerekereza eyeyongiire kukira na kara.”—The Guardian.
Okuhwerekerra kw’abantu n’ensi biriire haihi? Tusemeriire kutiina ekiraabaho omu busumi obw’omu maiso? Baibuli n’ekibazaaho ki?
Kiki ekiraabaho omu busumi obw’omu maiso
Kusigikirra ha Baibuli, ‘ensi eriikaraho ebiro byona’ kandi nihaija kubaho abantu ‘abaragiikaramuga ebiro n’ebiro.’ (Omugambizi 1:4; Zabuli 37:29) Nahabweki abantu tibalihwerekereza ensi rundi bakagireetera kuba kiikaro ekitasobora kwikarwamu.
Baitu, Baibuli ebazaaho empero. Ekyokurorraho, egamba ngu “ensi ehwaho.”—1 Yohana 2:17.
Kusobora kumanya Baibuli ekyemanyisa obw’ebazaaho empero y’ensi, soma ekicweka “Ensi Eriyo n’Ehwaho?”
Kumanya Baibuli eky’egamba ha bintu ebirukwija kubaho omu nsi, soma ekicweka “Ensi Erihwaho Di?”
Ikara oine entekereza enungi
Baibuli n’esobora kutukonyera kwikara twine entekereza enungi n’obukiraaba ngu omu nsi harumu ebizibu bingi. Omu mulingo ki?
Baibuli n’etuha obuhabuzi obusobora kutukonyera omu bwomeezi bwaitu obwa buli kiro. (2 Timoseo 3:16, 17) Ekyokurorraho, soma ekicweka “Omulingo Tusobora Kulema Okweralikirra” kurora omulingo Baibuli esobora kukukonyera n’obworaaba n’oraba omu bizibu omu bwomeezi bwawe.
Baibuli n’etuha okunihira okurukwesigwa okw’obusumi obw’omu maiso. (Abarumi 15:4) N’ebazaaho byonyini ebitusobora kunihira hati n’omu kasumi ak’omu maiso, ebitukonyera kwikara tugumire obutuba nituraba omu bizibu.
Kusobora kugasirwa omu Baibuli, nitukusaba kiro kinu olengeho entekaniza yaitu ey’okwegesa abantu Baibuli hataroho kusasura sente.
a “Esaaha ey’erukukikirra okuhwerekerra eri ntekaniza ey’ehabura abantu ha mulingo twiriire ha kuhwerekereza ensi obu nitukozesa ebyakalimagezi ebyakabi ebitwekoliire. Biri bigambo eby’akokurorraho ebitwijukya ebizibu eby’amaani kandi ebiri haihi kubaho ebitusemeriire kugonjoora obuturaaba tuli b’okukwira omu nsi enu.”—Bulletin of the Atomic Scientists.
Nosobora Kugonza na Binu;
EBY’OKUGARUKAMU EBY’EBIKAGUZO EBIRUKUKWATA HA BAIBULI
Obulemu obwa Haramagedoni Nikyo Kiki?
Ekigamba haramagedoni nikisangwa omu Baibuli omurundi gumu gwonka, baitu obulemu bunu bubazibwaho n’omu byahandiikirwe ebindi.
ENYEGESA ZA BAIBULI ENKURU
Habwaki Ruhanga Aikiriza Okubonabona Kubaho?
Abantu baingi bakaguza habwaki ensi eijwiremu enobi n’okubonabona. Eky’okugarukamu kya Baibuli nikituletera kumarwa n’okuhumura.
ENYEGESA ZA BAIBULI ENKURU
Habwaki Ruhanga Yahangire Ensi?
Ensi yaitu eijwiremu ebintu ebisemiire. Eri omu mwanya omurungi kuruga ha izooba, eyekiikiremu kurungi, kandi eyetororra ha sipiidi enyakusemeriire. Habwaki Ruhanga yatairemu amaani maingi kuhanga ensi?
EBIRUKUTUKWATAHO
Saba Kubungirwa
Tunga eky’okugarukamu ky’ekikaguzo kyawe, rundi omanye ebirukukiraho ebirukukwata h’Abakaiso ba Yahwe.
