Abantu baingi omu nsi nikibagumira kutunga sente ezirabakonyera kwehikyaho ebyetaago byabo.

•   Kusigikirra ha kuseruliiriza okwakozerwe omu myezi ey’enyuma omu nsi yoona, a omusaara abantu ogubarukutunga buli kwezi tigukyabamara kwehikyaho ebyetaago byabo. Kandi kukooleka ngu kakuba ahatagira ekyakorwaho, “obunaku nibwija kweyongera kandi abantu baingi nibaija kulemwa kwehikyaho ebintu ebibaayehikyahoga omu bwire obw’enyuma.”

 Gavumenti z’abantu zirasobora kumaraho ebizibu omu byentahya ebirukweyongera?

 Baibuli eyoleka ngu haroho gavumenti ey’esobora kumaraho ebizibu omu byentahya, otwaliremu n’obunaku. Egamba ngu “Ruhanga owomu iguru aliimukya obukama,” kandi egi eri gavumenti emu ey’erukwija kulema ensi yoona. (Danieri 2:44) Hansi y’Obukama obu, buli muntu wena alitunga ebyetaago bye byona. (Zabuli 9:18) Obukama bwa Ruhanga bulisobozesa abantu baabwo kutunga byona ebibarukwetaaga kusobora kuba n’okusemererwa. Buli omu wena alyegondeza omu bintu ebyakozere n’amaani ge.—Isaya 65:21, 22.