Omu nsi yoona abantu bebaganizeemu habw’eby’obulemi. Okuseruliiriza okwakozerwe ekitongole kya Pew Research Center omu mwaka 2022, kukooleka ngu “obucweka 65 hali kikumi obw’abantu abakuru kuruga omu mahanga 19, nibagamba ngu haroho obutetegerezangana bw’amaani muno hagati y’abantu abasagika ebitebe by’obulemi ebirukwahukana omu mahanga gaabo.”

 Okyetegeriize nk’oku okwebaganizaamu omu by’obulemi nikweyongera nambere orukwikara? Habwaki nikweyongera? Haroho ekisobora kukumaraho? Wetegereze Baibuli eky’egamba.

 Baibuli ekaranga ngu akasumi akaturumu, akarukumanywa ‘nk’ebiro bya hanyuma,’ abantu baingi baakubaire n’engeso ezakubalemeseze kuba omu bumu.

•   “Omu biro bya hanyuma ebiro ebyakabi kaingi biriija. Baitu abantu baliba abegonza bonka, . . . nabataterana hamu.”—2 Timoseo 3:1-3.

 N’obukiraaba ngu abantu batairemu amaani maingi muno, gavumenti zikyalemerwe kuhikiiriza ebyetaago by’abantu. Abantu abaine entekereza ezirukwahukana, kibagumira kukorra hamu kumaraho ebizibu. Ebirugiremu nibigumya Baibuli ekiyarangire ira muno.

•   ‘Omuntu omu aba n’obusobozi okukora kubi omuntu ondi.’—Omugambizi 8:9.

 Baitu, Baibuli ebazaaho ekintu ekisobora kukonyera, kandi egi niyo gavumenti ey’erukwebemberwa omuntu ow’asobora kumarraho kimu ebizibu ebirukuleetera abantu kubonabona kasumi kanu.

 Baibuli ebazaaho omwebembezi ow’aine obusobozi obw’embaganiza obw’okumaraho ebizibu binu, kandi ogu nuwe Yesu Kristo. Yesu aine amaani, obusobozi, n’ekihika eky’okuleetaho obumu n’obusinge hali abantu boona.

•   “Omu birobye abahikiriire balibona omugisa; nobusinge bwingi.”—Zabuli 72:7.

•   ‘Amahanga goona galimuheereza.’—Zabuli 72:11.

 Yesu nuwe mwebembezi ow’asemeriire habwokuba afaaho abantu kandi n’agonza kubakonyera, kukira muno abo abahikirweho obutali bwinganiza.

•   “Alijuna omunaku obwakunga; nomuseege atanyina mukonyezi. Aliganyira abasege nabanaku, nobwomezi bwabanaku alibujuna. Alicungura obwomezi bwabu omu kwenderezebwa nitima.”—Zabuli 72:12-14.

 Manya ebirukukiraho ha Bukama bwa Ruhanga, gavumenti ey’omu iguru ey’erukwebemberwa Yesu. Manya omulingo obulemi bwe busobora kukugasira n’omulingo osobora kubusagika.

•   Rora vidiyo Obukama bwa Ruhanga Nikyo Kiki?

•   Soma ekicweka “Obukama bwa Ruhanga—Gavumenti ey’Etarumu Obuli bw’Enguzi.”