Kusigikirra ha rupapura rw’amakuru orukumanywa nka The New York Times, omu Maayi 24, 2022, akatawuni akataito aka Uvalde, omu Texas, U.S.A, kakateerwa ibumba kanwa omusaija ow’akaba aine emundu obuyaisire abaana 19 n’abeegesa babiri . . . ha isomero lya Robb Elementary School.

 Eky’obusaasi, ebintu nk’ebi ebirukutiinisa byeyongiire. Ekitongole ky’amakuru ekirukumanywa nka USA Today kikagamba ngu omu ihanga lya United States honka, “hakabayo kuteera amasasi omu masomero emirundi erukuhika 249 mwaka oguhoire kukira omwaka ogundi gwona kuruga omu 1970.”

 Habwaki ebintu nka binu ebirukutiinisa nibibaho? Nitusobora tuta kugumira ebikorwa binu ebibi? Haroho okunihira kwona ngu birihwaho? Baibuli etuha eby’okugarukamu.

•    Baibuli ebazaaho akasumi akaturumu ‘nk’ebiro ebya hanyuma’ nambere abantu baliba “abatagonza bene babu” kandi “abarruma,” abarukukora ebintu ebibi. Abo abarukwoleka emiringo enu ‘baakuhinguraine omu bubi.’ (2 Timoseo 3:1-5, 13) Kumanya ebirukukiraho, soma ekicweka “Baibuli Ekaranga Omulingo Abantu Baakwetwaize Kasumi Kanu?”

 Abantu baingi bekaguza, ‘Habwaki Ruhanga atarukutanga ebintu nk’okuteera amasasi omu masomero kubaho?’ Kumanya eky’okugarukamu kya Baibuli, soma ekicweka “Habwaki Abantu Abarungi Bahikwaho Ebintu Ebibi?”

•    “Byona ebyahandikirwe ira, bikahandikwa obwokwegesa itwe, nukwo . . . tube nokunihira nobwokuhumura okwomu byahandikirwe.”—Abarumi 15:4.

 Emisingi ya Baibuli n’esobora kukukonyera kugumira ensi enu enyakwijwire obutabanguko. Kumanya ebirukukiraho, rora magaziini eya Awake! enyakwine omutwe “Obutabanguko Bulihwaho?”

 Kumanya omulingo abazaire basobora kukonyera abaana baabo kugumira amakuru agarukutiinisa, soma ekicweka “Omulingo Amakuru Agarukutiinisa Gakwataho Abaana Baawe.”

•    “Alicungura obwomezi bwabu omu kwenderezebwa nitima.”—Zabuli 72:14.

•    “Balihesa busitama zabu okuba nfuka, namacumu gabu okuba ebisalizo: ihanga tiririimukya busitama ha ihanga, kunu tibalyegesebwa obundi okurwana.”—Mika 4:3.

 Ruhanga alikora ebintu abantu ebibatasobora kukora. Gavumenti ey’Obukama bwe erihwerekereza ebyokurwanisa byona kandi emaleho obutabanguko. Kumanya ebirukukiraho ha bintu Obukama bwa Ruhanga bulihikiiriza soma ekicweka “Hansi y’Obukama bwa Ruhanga ‘Halibaho Obusinge Bwingi.’”