IKARA OLI BULINDAARA!
Obutabanguko omu by’Obulemi—Kiki Baibuli Eki Egamba?
Haroho obutabanguko omu by’obulemi obuletiire abantu omu nsi yoona kweralikirra.
Omu Mexico, okwitwa kw’abantu 39 abakaba besimbireho kiri kintu ekikaba kitakabahoga hamu n’obutabanguko obundi omu by’obulemi kihuniriize abantu kandi kyabahugura hali okukoma omu mwaka gwa 2023-2024.
Enyumaho omu Bulaaya, habaireho obutabanguko bwingi omu by’obulemi, otwaliiremu kulengaho kwita omuhikirwa ow’omu Slovakia omu Maayi 15, 2024.
Abantu omu United States bahuniriire muno habw’omuntu kulengaho kwita ow’akaba ali mwebembezi w’ihanga Donald Trump omu Julaayi 13, 2024.
Habwaki haroho obutabanguko bwingi omu by’obulemi? Nibwija kuhwaho? Kiki Baibuli eki erukugamba?
Kikarangwa ngu hakubaireho okwebaganiza omu by’obulemi
Baibuli ekaranga ngu omu kasumi kaitu, akarukumanywa nka “ebiro bya hanyuma,” abantu baingi baakubaire n’engeso ezirukuleetaho okurwana n’okwebaganizaamu.
‘Omu biro bya hanyuma ebiro ebyakabi kaingi biriija. Abantu baliba . . . abatarukusima, abatarukwera, . . . n’abataterana hamu, . . . n’abarruma, . . . n’abaduupi, n’abagumangana, n’abenyumiza bonka.’—2 Timoseo 3:1-4.
Ekindi, Baibuli ekaranga ngu ebintu ebirukutalibaniza nk’abantu kujeemera gavumenti hamu n’obutabanguko omu by’obulemi byakubaireho omu kasumi kanu akaturumu. (Luka 21:9, footnote) Baitu obutabanguko omu by’obulemi hamu n’okwebaganizaamu tibirikaraho ebiro n’ebiro.
Empero ey’obutabanguko omu by’obulemi
Baibuli esoborra ngu Ruhanga naija kutaho gavumenti ye ey’omu iguru omu kiikaro kya gavumenti ez’abantu zoona.
‘Kandi Ruhanga ow’omu iguru aliimukya obukama . . . obulicwacwana nubumaraho obukama obundi bwona, kandi buligumaho ebiro n’ebiro.’—Danieri 2:44.
Obukama bwa Ruhanga buliretera abantu boona kuba omu bumu kandi buleeteho obusinge omu nsi yoona.
Omukama ow’Obukama obu kandi ogu nuwe Yesu Kristo, naayetwa “Mukuru Wobusinge,” kandi naija kukigumya ngu ‘obusinge tibulireka okweyengera.’—Isaya 9:6, 7.
N’omu kasumi kanu, abantu abali hansi y’Obukama bwe, nibeega omulingo basobora kwikara omu businge. Kandi ekirugiremu, Baibuli egamba ngu: “Balihesa busitama zabu enfuka, namacumu gabu ebisalizo: ihanga erimu tiririimukiza ihanga erindi busitama, kunu tibalyega obundi okurwana.”—Isaya 2:3, 4.
Kumanya ebirukukiraho, soma ekicweka “Obukama bwa Ruhanga Bulikora Ki?” kandi orole vidiyo Obukama bwa Ruhanga Nikyo Kiki?
Nosobora Kugonza na Binu;
OMUNAARA GW'OMULINZI
Obukama bwa Ruhanga Bulikora Ki?
Yesu akaba akimanyire ngu Obukama bwa Ruhanga niyo gavumenti yonka eyesobora kumaraho ebizibu ebiri omu nsi. Obukama bukozere bintu ki ebisobora kutugumya?
IKARA OLI BULINDAARA!
Abantu Kuleka Kwesiga ab’Eby’obulemi—Baibuli Ekibazaaho Ki?
Baibuli etutererra kwekengera abantu abaturukwesiga kandi etugambira n’ekintu ekirimaraho ebizibu omu kasumi ak’omumaiso.
IKARA OLI BULINDAARA!
Habwaki eby’Obulemi Bibaganizeemu Muno Abantu?—Baibuli n’Ekibazaaho Ki?
Okwebaganizaamu omu by’obulemi nikweyongerra kimu omu nsi yoona. Baibuli eyoleka ekirakonyera—omwebembezi ow’asobora kuteraniza hamu abantu.
OMUNAARA GW'OMULINZI
Nooha Omukama w’Obukama bwa Ruhanga?
ENYEGESA ZA BAIBULI
Saba Kwegesebwa Baibuli
Tandika kwega Baibuli n’omwegesa owaawe ha bwawe otarukusasura sente.
