Ekitabu Kyange eky’enganikyo eza Baibuli

Wegondeze omu kusoma enganikyo 116 kuruga omu Baibuli. Kandi zihikire, zanguhire kuzetegereza, kandi harumu ebisisani ebirukuzooka kurungi.

YOLEKE BYONA YOLEKA BYONA

Enyanjura

Enganikyo ez’amananu kuruga omu kitabu ekirukukirayo omu nsi yoona, Baibuli, n’etukonyera kumanya ebyafaayo kutandikira ha kuhangwa kw’ebintu kuhika hati.

EKICWEKA 1

Okuhanga Okuhika ha Kusandaara kw’Amaizi

Yoleka ebirukukiraho

ORUGANIKYO 1

RUHANGA YATANDIKA KUKORA EBINTU

Oruganikyo orw’okuhanga rwanguhire kwetegereza kandi nirusemeza—abaana.

ORUGANIKYO 2

Orugonjo Orurungi Muno

Kusigikirra ha kitabu eky’okubanza, Ruhanga akakora Adeni okuba kiikaro eky’embaganiza muno. Ruhanga nagonza ensi yoona kusisana nk’orugonjo orwakaba akozere.

ORUGANIKYO 3

Omusaija n’Omukazi Abaabandize

Ruhanga akahanga Adamu na Hawa yabata kwikara omu rugonjo Adeni. Nubo ababandize kutaaha obuswere.

EKICWEKA 4

Habwaki Baaferirwe Amaka Gabu

Ekitabu eky’Okubanza omu Baibuli nikitugambira omulingo orugonjo rwahwaireho.

ORUGANIKYO 5

Obwomeezi obw’Emihito Butandika

Adamu na Hawa bakatunga ebizibu bingi aheru y’orugonjo Adeni. Kakuba baali batajemiire Ruhanga, obwomeezi bwabo bwakubaire burungi hamu n’obw’abaana baabo.

ORUGANIKYO 6

Omwana Omurungi, n’Omubi

Oruganikyo orwa Kaini na Aberi, ruhandiikirwe omu Kubanza, nirutwegesa kiki ekitusemeriire kuba omu mitima yaitu—n’engeso ezitusemeriire kuhindura tutakagwire omu kabi.

ORUGANIKYO 7

Omusaija Emanzi

Obumanzi bwa Enoka nibwoleka ngu n’osobora kukora ebintu ebihikire n’obukiraaba ngu abantu abakwehinguliriize nibakora ebintu ebibi.

ORUGANIKYO 8

Agantu ag’Amaani Muno omu Nsi

Ekitabu ky’Okubanza kitugambira ha gasaija agabonabonesaaga abantu. Agasaija ganu, agarukwetwa Nefirimu, gakaba gali gaana g’abamaraika kandi gaikaraga omu n’abantu omu nsi.

ORUGANIKYO 9

Nuha Yayombeka Eryato

Nuha n’ab’eka ye bakizireho okusandaara kw’amaizi habwokuba bakoorobera Yahwe, abandi n’obubaraaba bamujeemiire.

ORUGANIKYO 10

Okusandaara okw’Amaani

Abantu bakasekereza obuhabuzi bwa Nuha. Baitu bakaba batarukuseka okusandaara kw’amaizi obukwaizire kuruga omu iguru! Manya omulingo eryato lya Nuha lya mujunire, ab’eka ye, hamu n’ebisoro biingi.

EKICWEKA 2

Okusandaara kw’Amaizi Kuhika ha Kucungurwa Kuruga omu Misiri

Yoleka ebirukukiraho

ORUGANIKYO 11

Omuhangaizima ogw’Okubanza

Obworaroraga omuhangaizima, kiki eky’osemeriire kwijuka?

ORUGANIKYO 12

Abantu Bayombeka Omunaara ogw’Amaani

Kitasemeze Ruhanga, kandi n’ekifubiro ekiyabahaire kikahika h’abantu boona.

ORUGANIKYO 13

Iburahimu—Munywani wa Ruhanga

Habwaki Iburahimu yasigireho eka ye enungi yagenda kwikara omu heema obwomeezi bwe bwonar?

ORUGANIKYO 14

Ruhanga Alengesa Okwikiriza kwa Iburahimu

Habwaki Ruhanga yagambiire Iburahimu kuhonga omwana we Isaka?

ORUGANIKYO 15

Mukazi wa Loti Yarora Enyuma

Ekintu eki yakozere nikitwegesa isomo ly’amaani muno.

ORUGANIKYO 16

Isaka Yatunga Omukazi Omurungi

Kiki ekyafoire Rebeka omukazi omurungi? Oburungi bwe bw’aha maiso rundi haroho kintu ekindi?

ORUGANIKYO 17

Abarongo Abaabaire b’Embaganiza

Ise bo, Isaka, yagonzaaga muno Esau, baitu nyina bo, Rebeka, yagonzaaga muno Yakobo.

ORUGANIKYO 18

Yakobo Agenda Harani

Yakobo akabanza kuswera Leya n’obukiraaba ngu akaba agondeze Rakeri.

ORUGANIKYO 19

Yakobo Yatunga Amaka Makooto

Enganda 12 ez’Isareri ziketwa hanyuma yabatabani 12 ba Yakobo?

ORUGANIKYO 20

Dina Yagwa omu Kabi

Binu byona bikatandikira ha kunywana abanywani ababi.

ORUGANIKYO 21

Bagenzi Ba Yusufu Bamunoba

Kiki ekyabaletiire kugonza kwita mugenzi wabo?

ORUGANIKYO 22

Yusufu Atekebwa omu Nkomo

Bamuta omu nkomo, tikuli kugamba ngu acwire ekiragiro kyona, baitu ngu habwokuba akozere ekihikire.

ORUGANIKYO 23

Ebirooto bya Faraho

Ente musanju hamu n’entwe musanju ez’engaano nizisisana.

ORUGANIKYO 24

Yusufu Alengesa Bagenzi Be

Yakusoboire kumanya ata ngu bahindukire kwiha bamutunda nk’omwiru?

ORUGANIKYO 25

Amaka Goona Gafurukira Misiri

Habwaki ab’eka ya Yakobo babeta Abaisareri hatali Abayakobo?

Oruganikyo 26

Yobu Aba Mwesigwa Hali Ruhanga

Yobu akafeerwa itungo lye, yarwara, kandi yaferwa n’abaana be. Ruhanga yali nafubira Yobu?

ORUGANIKYO 27

Omukama Omubi Alema Misiri

Habwaki yaragiire abantu be kwita abaana b’Abaisareri ab’obwojo?

ORUGANIKYO 28

Omulingo Musa Ogu Yakiziibwemu Akyali Nkerembe

Nyina Musa akaserra omulingo ogw’okumujuna obuyakimanyire ngu nibagonza kwita abaana ab’obwojo Abaheburaniya.

ORUGANIKYO 29

Habwaki Musa Yairukire

Musa obuyahikize emyaka 40 akatekereza ngu nasobora kujuna Abaisareri, baitu akaba atakabaire.

ORUGANIKYO 30

Ekisaka Ekirukuhya

Kurabira omu kukozesa eby’amahano biingi, Ruhanga akagambira Musa ngu akasumi kakaba kahikire akokwebembera Abaisareri kubaiha omu omubwiru omu ihanga lya Misiri.

ORUGANIKYO 31

Musa na Aroni Bagenda owa Faraho

Habwaki Faraho ataruhuliirize Musa nukwo alekere Abaisareri kugenda?

ORUGANIKYO 32

Emihito 10

Ruhanga akaikiriza emihito 10 kuba omu Misiri, habwokuba omulemi wa Misiri Faraho akakigenderra kwangirra Abaisareri kugenda.

ORUGANIKYO 33

Okucwanganiza Enyanja Erukutukura

Musa akozesa amaani ga Ruhanga kubaganizaamu Enyanja Erukutukura kandi Abaisareri barubatira ha itaka eryomere.

EKICWEKA 3

Kucungurwa Kuruga mu Misiri Kuhika ha Mukama ow’Okubanza owa Isareri

Yoleka ebirukukiraho

ORUGANIKYO 34

Eby’Okulya by’Omulingo gw’Embaganiza

Eby’Okulya eby’embaganiza biruga omu iguru.

ORUGANIKYO 35

Yahwe Aha Ebiragiro

Biragiro ki bibiri ebirukukira ebiragiro ikumi?

ORUGANIKYO 36

Enyana y’Ezabbu

Habwaki abantu baramize ekisisani ekyali kikozerwe omu zabbu?

ORUGANIKYO 37

Ehema y’Okuramizamu

Ekisiika kyayo ekitaito kyayahurwamuga esanduuko y’endagaano.

ORUGANIKYO 38

Entasi 12

Entasi ikumi zibaza ebigambo ebirukusisana, baitu ezindi ibiri zigamba ebirukwahukana. Abaisareri bakaikiririza omuli baha

ORUGANIKYO 39

Omwigo gw’Aroni Gwayakya Ebimuli

Omwigo ogwali gwomere gukasobora guta kwakya ebimuli n’okwana ebijuma ebyengere omu kiro kimu kyonka?

ORUGANIKYO 40

Musa Ateera Omwandara

Musa akatunga amaizi, baitu akabiihiza Yahwe.

ORUGANIKYO 41

Enjoka y’Omulinga

Habwaki Ruhanga yasindiikire Abaisareri enjoka ez’obusagwa kubatema?

ORUGANIKYO 42

Enkaina Eyabalize

Enkaina ekarora ekintu Baramu ekyakaba atarukurora.

ORUGANIKYO 43

Yosuha Yaforwa Mwebembezi

Musa akyaine amaani, baitu habwaki hati Yosuha agaruka omu kiikaro kye?

ORUGANIKYO 44

Rahabu Yasereka Entasi

Rahabu akakonyera ata abasaija babiri, kandi kiki ekiyasabire bamukorre?

ORUGANIKYO 45

Okwambuka Ekisaru Yorudani

Haroho eky’amahano eky’abaireho hanyuma y’abanyakatagara kurubata omu maizi.

ORUGANIKYO 46

Ebisiika bya Yeriko

Omuguha gwakusoboire guta kutanga ekisiika kugwa?

ORUGANIKYO 47

Omusuma omu Isareri

Ihanga lyona nirisobora kugwa omu kabi habw’omusaija omu omubi?

ORUGANIKYO 48

Abagibeoni Abakaba b’Amagezi

Bakabiiha Yosuha hamu n’Abaisareri kukora endagaano, kandi Abaisareri bakahikiriza endagaano yabo.

ORUGANIKYO 49

Izooba Lyayemerra Hamu

Yahwe akorra Yosuha ekintu ekyakaba atakakoraga

ORUGANIKYO 50

Abakazi Babiri Abamanzi

Baraka ayebembera ihe ly’Abaisareri kugenda omu bulemu, baitu habwaki Yayeri nuwe yatungire ekitinisa?

ORUGANIKYO 51

Rusi na Naomi

Rusi akasigaho ensi y’owabo kugenda kwikara na Naomi n’okuheereza Yahwe.

ORUGANIKYO 52

Gideoni n’Abasaija be 300

Ruhanga akakozesa amagezi kukehya omuhendo gw’ihe lya Gideoni.

ORUGANIKYO 53

Omurago gwa Yefuta

Omurago gwe hali Yahwe gutakwateho uwe wenka, baitu na muhara we.

ORUGANIKYO 54

Omusaija ow’Amaani Maingi

Derira akasobora ata kumanya nambere Samusoni aiha amani ge?

ORUGANIKYO 55

Omwojo Omuto Yahereza Ruhanga

Ruhanga akozesa Samuiri kutwarra Nyakatagara Omukuru Eri obutumwa.

ORUGANIKYO 4

Omukama wa Isareri ow’Okubanza Kuhika ha Kutwarwa omu Bwiru mu Baburoni

Yoleka ebirukukiraho

ORUGANIKYO 56

Saulo—Omukama wa Isareri ow’Okubanza

Ruhanga akabanza kumukoma hanyuma yamwanga, Ekyokurorraho kya Saulo nikitwegesa isomo erukuru muno.

ORUGANIKYO 57

Ruhanga Yakoma Daudi

Kiki Ruhanga ekiyaboine omu Daudi eki nabbi Samuiri atarasoboire kurora?

ORUGANIKYO 58

Daudi na Goliasi

Daudi atakozese omwesuso gwonka kurwanisa Goliasi baitu akakozesa amaani kuruga hali Ruhanga.

ORUGANIKYO 59

Habwaki Daudi Akaba Aine Kwiruka

Ha kubanza, Saulo akaba nagonza Daudi baitu hanyuma yakasumi akatunga omutima gw’obwisi n’ihali. Habwaki?

ORUGANIKYO 60

Abigairi na Daudi

Abigairi ayeta iba mudomadoma, kandi kinu kimujuna habw’akasumi kake.

ORUGANIKYO 61

Daudi Afoorwa Omukama

Daudi ayoleka ngu nasobora kuba mukama wa Isareri kusigikirra ha bintu yakozere hamu n’ebiyayangire kukora.

ORUGANIKYO 62

Emitalibaine Munju ya Daudi

Baitu habw’ensobi emu yonka, akeretera ebizibu hamu n’ab’omu ka ye emyaka eyahondiireho.

ORUGANIKYO 63

Sulemani Omukama ow’Amagezi

Sulemani mali yakusaziremu omwana ebicweka bibiri?

ORUGANIKYO 64

Sulemani Ayombeka Yekaru

Oihireho kuba mugezi muno, Sulemani akasonasonebwa kukora ebintu eby’obudoma kandi ebigwire.

ORUGANIKYO 65

Obukama Bubaganizibwamu

Yeroboamu obuyatandikire kulema, akaletera abantu kutandika kucwa ebiragiro bya Ruhanga.

ORUGANIKYO 66

Yezeberi—Omugo Omubi Muno

Yakoraga kyona ekirukusoboka kusobora kutunga buli kimu kyona eki yabaga nagonza.

ORUGANIKYO 67

Yehosafati Nayesiga Yahwe

Habwaki ihe lya Yehosafati lyayebembiirwe abazini abataine eby’okurwanisa?

ORUGANIKYO 68

Aboojo Babiri Abagarukire Kuba Abomezi

Omuntu ow’afiire nasobora kwongera kuba mwomeezi? kikabaho!

ORUGANIKYO 69

Omwisiki Akonyera Omusaija ow’Ekitiinisa

Akooleka obumanzi, kandi harugamu eky’amahano.

ORUGANIKYO 70

Yona n’Encu Enkooto

Yona akeega isomo erikuru erirukukwata ha ha kukora Yahwe ebyagonza.

ORUGANIKYO 71

Ruhanga Araganiza Orugonjo

Orugonjo rw’okubanza rukaba ruli rutaito; baitu runu nirwija kuba omu nsi yoona.

ORUGANIKYO 72

Ruhanga Akonyera Omukama Hezekiya

Omukiro kimu kyonka, maraika akaita abamahe ba Basuri 185,000.

ORUGANIKYO 73

Omukama wa Isareri Omurungi Ayamalirireyo

Yosiya akooleka obumanzi.

ORUGANIKYO 74

Omusaija ow’Akaba Atarukutiina

Yeremiya akatekereza ngu muto kuba nabbi, baitu Ruhanga akaba akimanyire ngu Yeremiya nasobora.

ORUGANIKYO 75

Aboojo Bbana omu Baburoni

Aboojo banu bbana basingura n’obukiraaba ngu bakaba batali n’abanyabuzaale babo.

ORUGANIKYO 76

Yerusalemu Ruhwerekerezebwa

Habwaki Ruhanga yaikiriize Ababuroni abakaba bali banyanzigwa ba Baisareri kuhwerekereza Yerusalemu?

ORUGANIKYO 5

Kunyagwa Kutwarwa mu Baburoni Kuhika ha Kugaruka kwombeka Ebisiika bya Yerusalemu

Yoleka ebirukukiraho

ORUGANIKYO 77

Bakanga Kwinamira Ekisisani

Ruhanga ya kujunire abasigazi banu abesigwa kutanagwa omu murro?

ORUGANIKYO 78

Ekihandiko ha Kisiika

Nabbi Danieri asoborra amakuru g’ebigambo bina ebitamanyirwe.

ORUGANIKYO 79

Danieri Omukiina ky’Entale

Danieri yakukizire omusango ogu bamucweriire ogw’okufa?

ORUGANIKYO 80

Abantu ba Ruhanga Baruga mu Baburoni

Omukama Kuro akahikiriza obunabbi obuyasingwire Baburoni, kandi hakiriza obunabbi bundi.

ORUGANIKYO 81

Okwesiga Obukonyezi bwa Ruhanga

Abaisareri bajemera abantu nukwo basobole kworobera ebiragiro bya Ruhanga. Notekereza Ruhanga arabaha omugisa habwokumworobera?

ORUGANIKYO 82

Morodekai na Esiteri

Omugo Vasiti akaba ali murungi, baitu Omukama Ahasuero akaswera Esiteri kandi nuwe yafokeere omugo muhyaka. Habwaki?

ORUGANIKYO 83

Ebisiika Ebya Yerusalemu

Obu bakaba nibombeka buhyaka ebisiika, abakozi baikaraga betekaniize baine amacumu, n’empirima zaabo ekiro na nyamusana.

EKICWEKA 6

Okuruga ha Kuzaarwa kwa Yesu Kuhika ha Kufa kwe

Yoleka ebirukukiraho

ORUGANIKYO 84

Maraika Abungira Malyamu

Aleta amakuru kuruga hali Ruhanga: Malyamu nagenda kuzaara omwana arukwija kuba mukama ebiro byona.

ORUGANIKYO 85

Yesu Azaarwa Mu Kiraaro ky’Ente

Habwaki omukama onu yazaliirwe nambere ebisoro byaliiraga?

ORUGANIKYO 86

Abasaija Abayembembirwe Enyunyuzi

Noha ayayebembiire abasaija abagezi kubatwara nambere Yesu yazaliirwe? Eky’okugarukamu nikisobora kukuhuniriza.

ORUGANIKYO 87

Yesu obu Akaba Akyali Muto mu Yekaru

Ahuniriza abasaija bakuru abayegesaga omu yekaru.

ORUGANIKYO 88

Yohana Abatiza Yesu

Yohana aikaire nabatiza abasiisi, baitu Yesu akaba atali musisi. Habwaki Yohana yamubatiize?

ORUGANIKYO 89

Yesu Asemeza Yekaru

Yesu ayoleka kugonza okwamuletiire kubiihirwa.

ORUGANIKYO 90

Ali n’Omukazi ha Iziba

Nikisoboka kita Amaizi Yesu arukugonza kuha omukazi onu nigaija kumutaga kwongera kukwatwa iroho?

ORUGANIKYO 91

Yesu Ayegeseza ha Rusozi

Tunga amagezi amarungi kuruga omu Kwegesa kwa Yesu okwa ha Rusozi.

ORUGANIKYO 92

Yesu Yahumbura Abakaba Bafiire

Yesu akozesa amaani ga Ruhanga, kubaza ebigambo bibiri byonka kuhumbura muhara wa yairo.

ORUGANIKYO 93

Yesu Yaliisa Abantu Baingi

Yesu kuliisa enkumi n’enkumi z’abantu, kyali nikyegesa kintu ki ekikuru?

ORUGANIKYO 94

Yesu Nagonza Abaana Bato

Yesu akegesa abakwenda be kwegera ha ky’okurorraho eky’abato hamu n’abaana.

ORUGANIKYO 95

Omulingo ogu Yesu Ayegesaamu

Oruganikyo orw’Omusamaliya omurungi kyokurorraho eky’omulingo Yesu y’akiraga kwegesaamu.

ORUGANIKYO 96

Yesu Yakiza Abarwaire

Habwaki Yesu y’akozere ebyamahano ebi byona?

ORUGANIKYO 97

Yesu Aija nk’Omukama

Ekitebe ekikooto kimutangirra, baitu tibali boona abamusemerirwe.

ORUGANIKYO 98

Ha Rusozi rwa Zeituni

Yesu n’agambira abakwenda be bana ebintu ebirukuba omu kamusi kanu.

ORUGANIKYO 99

Mu Kisiika Ekya Haiguru

Habwaki Yesu y’agambire abegeswa be kwikara nibajaguza ekiihuro kinu eky’embaganiza buli mwaka?

ORUGANIKYO 100

Yesu omu Musiri

Habwaki Yuda y’agobize Yesu n’amunywegera?

ORUGANIKYO 101

Yesu Yaitwa

Yesu obw’akaba ali haihi kufa ha muti, akaraganiza ngu halibaho orugonjo orurungi.

EKICWEKA 7

Okuhumbuuka kwa Yesu Kuhika ha Kutekebwa mu Nkomo kwa Paulo

Yoleka ebirukukiraho

ORUGANIKYO 102

Yesu Ali Mwomezi

Hanyuma ya maraika kusindika ibale kuruga ha kituuro kya Yesu, abaserikale abali nibalinda bakatiina muno obu baboine munda.

ORUGANIKYO 103

Mukisiika Ekikingirwe

Habwaki abegeswa ba Yesu bataramumanyirire hanyuma y’okuhumbuuka?

ORUGANIKYO 104

Yesu Agaruka omu Iguru

Yesu atakagenzere omu iguru, akaha abegeswa be ekirangiro eky’okumalirra.

ORUGANIKYO 105

Kulindirra mu Yerusalemu

Habwaki Yesu yasesere omwoyo ogurukwera ha bakwenda be ha Pentekoti?

ORUGANIKYO 106

Kusumururwa Kuruga omu Nkomo

Abakuru b’ediini y’Abayudaya bateeka abakwenda omu nkomo kubatanga kutebeza, baitu Ruhanga akaba aine entekaniza endi.

ORUGANIKYO 107

Sitefano Yaterwa Amabale

Sitefano obu baali nibamwita, akasaba esaara erukuhuniriza.

ORUGANIKYO 108

Omu Muhanda Ogurukugenda Damasiko

Ekimyanso hamu niraka kuruga omu iguru bihingisa obwomeezi bwa Saulo.

ORUGANIKYO 109

Petero Yabungira Koruneryo

Ruhanga arora abantu ab’oruganda orumu rundi ihanga kuba bomuhendo kukira abandi?

ORUGANIKYO 110

Timoseo—Omukonyezi wa Paulo Omuhyaka

Timoseo akaruga owabo nukwo agende na Paulo kutebeza.

ORUGANIKYO 111

Omwojo Ayagwijagiire

Yutuko akagwijagiira Paulo obw’akaba n’aha orubazo orw’okubanza, baitu atagwijagiire omu rubanzo rwe orw’akabiri. Ekyabaireho hagati y’ebanzo zinu ibiri kyali ky’amahano.