DORA Samuiri naaseesa amagita ha mutwe gw’omusaija. Kinu nikyo bakooraga okwoleka ngu omuntu akomerwe kuba omukama. Yahwe akagambira Samuiri okuseesa amagita ha mutwe gwa Saulo. Ganu gaali magita ag’embaganiza kandi nigaboya kurungi muno.

Saulo atakitekerezeho ngu murungi kuba omukama. Akagambira Samuiri ati: ‘Ninduga muruganda rwa Benyamini, orumu ha nganda entaito muno omu Isareri. Habwaki nogamba ngu ningenda kuba omukama?’ Yahwe akagonza Saulo habwokuba akaba atarukwefoora kuba w’amaani rundi w’omugaso muno. Nahabwekyo, enu niyo songa habwaki Yahwe yamukomere kuba omukama.

Baitu Saulo akaba atali musaija munaku rundi mutaito. Akaba naruga mumaka amaguda kandi akaba musaija arukuzooka kurungi muno, muraira muno. Akaba n’oburaiha bwa fuuti emu kukira ha Baisareri abandi. Akaba mwiruki muno kandi akaba aine amaani maingi. Abantu bakasemererwa ngu Yahwe akaba abakomiire omukama. Bakatokera hamu bati: ‘Hangiriza mukama!’

Abanyanzigwa b’Abaisareri bali bakyali b’amaani muno nkeira. Kandi baali nibatuntuza Abaisareri. Hanyuma ya Saulo kukomwa okuba omukama, Abamoni bakaija kubarwanisa. Baitu Saulo akasoroza ihe likooto muno yasingura Abamoni mubulemu. Kinu kikasemeza muno abantu habwokuba na Saulo nk’omukama.

Emyaka obu yahingwireho, Saulo akebembera Abaisareri basingura abanyanzigwa babu baingi. Saulo akaba aine mutabani we emanzi ayamanywaga nka Yonasani. Yonasani akakonyera muno Abaisareri mukusinga obulemu bwingi. Abafirisiti bakaba banyanzigwa b’Abaisareri ababi muno. Kiro kimu, emitwaro n’emitwaro gy’Abafirisiti bakaija kurwanisa Abaisareri.

Samuiri akaba agambiire Saulo kulindirra okuhikya uwe Samuiri abu araija akahayo ekihongwa rundi ekisembo hali Yahwe. Baitu Samuiri ataije bwangu. Saulo akatiina ngu Abafirisiti bakaba nibasobora kumurwanisa atakahongere. Nukwo kugenda omumaiso n’okuhayo ekihongwa. Samuiri obu yaizire, akamugambira ngu akaba afookere entahurra. Akagambira Saulo ati: ‘Yahwe naija kukoma omuntu ondi okuba omukama wa Isareri.’

Hanyuma, Saulo akeyongera n’obutahurra. Nubwo Samuiri yamugambiire ati: ‘Kirungi okworobera Yahwe okukira okuhayo ekisembo ky’entaama enungi. Habwokuba toyorobiire Yahwe, Yahwe tarukwija kukulekaho okuba omukama wa Isareri.’

Nitusobora kwegamu isomo erirungi kuruga hali kinu. Nikitwoleka ngu omuntu omurungi nk’oku Saulo akaba ali, nasobora kuhinduka afooke mubi. Twakugondeze kufooka abantu ababi?