EKICWEKA 5
Kunyagwa Kutwarwa mu Baburoni Kuhika ha Kugaruka kwombeka Ebisiika bya Yerusalemu
Obu bakaba bali mubunyagwa mu Baburoni, Abaisareri bakatunga okulengesebwa kw’okwikiriza kwabo. Saduraki, Mesaki na Abedenego bakanagwa mu mu’ro mwingi, kyonka Ruhanga akabacungura. Hanyuma, Abamedi n’Abaperesi obu basingwire Baburoni, Danieri akanagwa mukiina ky’entale, baitu Ruhanga yamujuna obu yakingire eminwa y’entale.
Hamperu, omukama Omuperesi, Kuro, akasumurra Abaisareri. Bakagarukayo mu nsi yabu hanyuma y’emyaka 70 kuruga obu batwairwe mubunyagwa mu Baburoni. Ekimu habibabandize kukora bamazire okugaruka Yerusalemu nukwo kutandika kwombeka yekaru ya Yahwe. Baitu abanyanzigwa bakemereza omulimu gwabu mukasumi kataito. Nahabwekyo kikabatwarra haihi emyaka 22 bamazire kugaruka Yerusalemu, kumaliriza kwombeka yekaru.
Ekirukugarukaho, nitwega hali orugendo rwa Ezera kugaruka Yerusalemu kuhunda yekaru. Kinu kikabaho emyaka nka 47 hanyuma y’okumaliriza yekaru. Emyaka 13 hanyuma y’orugendo runu orwa Ezera, Nehemiya akakonyera mukwombeka buhyaka ebisiika eby’ehingulirize Yerusalemi ebikaba bigwire. Ekicweka EKYAKATANO nikitwara emyaka 152 ey’ebyafaayo kuhikira kimu ha busumi bunu.
OMU KICWEKA KINU
ORUGANIKYO 77
Bakanga Kwinamira Ekisisani
Ruhanga ya kujunire abasigazi banu abesigwa kutanagwa omu murro?
ORUGANIKYO 80
Abantu ba Ruhanga Baruga mu Baburoni
Omukama Kuro akahikiriza obunabbi obuyasingwire Baburoni, kandi hakiriza obunabbi bundi.
ORUGANIKYO 81
Okwesiga Obukonyezi bwa Ruhanga
Abaisareri bajemera abantu nukwo basobole kworobera ebiragiro bya Ruhanga. Notekereza Ruhanga arabaha omugisa habwokumworobera?
ORUGANIKYO 82
Morodekai na Esiteri
Omugo Vasiti akaba ali murungi, baitu Omukama Ahasuero akaswera Esiteri kandi nuwe yafokeere omugo muhyaka. Habwaki?
ORUGANIKYO 83
Ebisiika Ebya Yerusalemu
Obu bakaba nibombeka buhyaka ebisiika, abakozi baikaraga betekaniize baine amacumu, n’empirima zaabo ekiro na nyamusana.
