Omuntu obwatukaguza ekikaguzo rundi akatuhakaniza habwokuba nagonza kumanya amananu, kitusemeza kugumizaamu nitubaza nauwe. Nitugonza kubaza n’abantu abasobora kuba baine “entekereza enungi ey’esobora kubaleetera kutunga obwomeezi obutahwaho.”—Eng. 13:​48, NWT.

Baitu osemeriire kukora ki kakuba omuntu abihiirwa, akatandika kuteera empaka, rundi atarukugonza kubaza kasumi ako? Omu mulingo ogw’embabazi, leka kubaza nauwe. (Nfu. 17:14) Lengaho kumutwaza kurungi habwokuba omu kasumi ak’omumaiso n’asobora kwikiriza kubaza naitwe.—1 Pet. 2:12.