EBYONGIIRWEHO C
Omulingo Osobora Kukozesa Wegondeze omu Bwomeezi Ebiro n’Ebiro! Kwegesa Abeegi
Kusobora kuturukya Wegondeze omu Bwomeezi Ebiro n’Ebiro! ab’oruganda bakasaba muno kandi baaseruliiriza muno ha bintu ebyatairwemu. Kusobora kukozesa kurungi ekitabu kinu, hondera oburagirizi bunu obworukuba noyegesa abeegi.
Otakagenzere Kwegesa
-
1. Tekaniza kurungi. Obworaaba n’otekaniza, tekerezaho ebyetaago by’omwegi waawe, enyikara n’entekereza ye. Lengaho kutekerezaaho ebintu ebisobora kumugumira kwetegereza rundi eby’asemeriire kuteeka omu nkora. Serra omulingo ebiri omu kicweka “Seruliiriza” bisobora kukonyera omwegi kandi obikozese obworaaba n’omwegesa.
Obumurukuba nimwega
-
2. Tandika kandi omalirre n’okusaba, rundi buli kakuba omwegi ayanga.
-
3. Otabaza muno. Teeka omutima ha bikuhairwe omu kitabu kandi oleke omwegi abaze omulingo arukwehurra.
-
4. Obumuratandika ekicweka ekihyaka, soma ebigambo ebirukwoleka ekigendererwa kandi obazeeho gamu h’amasomo agarumu.
-
5. Obumuraaba nimumalirra ekicweka, kozesa ekicweka kweijukyamu kukonyera omwegi waawe kwijuka amananu agayegere.
-
6. Obworaaba n’oyegesa omwegi:
-
Musome obucweka.
-
Musome ebyahandiikirwe byona ebiroho ekigambo “Soma.”
-
Musome ebyahandiikirwe ebindi ebyolekerwe obukiraaba nikyetaagisa.
-
Yoleka vidiyo zoona eziroho ekigambo “Mutekeho” (obworaaba n’osobora).
-
Kaguza omwegi buli kikaguzo.
-
Yoleka omwegi ebisisani ebiri omu kicweka “Yega Ebirukukiraho” kandi omusabe kubibazaaho.
-
Kozesa ekicweka “Lengaho Kinu” kukonyera omwegi kumanya nambere yahika omu kukurakurana. N’osobora kumwekambisa kukozesa ekicweka eki kweteraaho ebigendererwa ebindi.
-
Kaguza omwegi waawe obwaraaba aine ebicweka rundi vidiyo ebyagondeze omu kicweka “Seruliiriza” obwabaire natekaniza isomo.
-
Lengaho kumara isomo buli murundi murayega.
-
Hanyuma y’okwega
-
7. Ikara notekerezaaho omwegi waawe. Saba Yahwe amukonyere kukurakurana kandi akuhe amagezi kumanya eky’okukora kumukonyera.
