Omunyanzigwa wa Ruhanga omukuru nuwe Setani Diabolo. Ali kihangirwe eky’omwoyo ekyajemiire Yahwe. Setani ayeyongire kurwanisa Ruhanga n’okuletera abantu emitalibano ey’amani. Setani mubi. Mubihi w’ebisuba kandi mwisi.​—Yohana 8:44.

Ebyahangirwe eby’omwoyo ebindi biketeraniza hamu na Setani okujemera Ruhanga. Baibuli ebeta amasitani. Okusisina na Setani, amasitani ganu nago manyanzigwa ga bantu. Nago gagonza kutuntuza abantu. (Matayo 9:32, 33; 12:22) Yahwe naija kuhwerekereza Setani hamu n’amasitani ge goona. Bakyaineyo akanya kake k’okutalibanirizamu abantu.​—Okusuku’rwa 12:12.

Obw’okuba n’oyenda kuba munywani wa Ruhanga toine okukora Setani ebyagonza. Setani na masitani ge banoba Yahwe. Kandi banyanzigwa ba Ruhanga, kandi nibagonza naiwe bakufole obe munyanzigwa wa Ruhanga. Oine kukomaho noha ow’orukugonza kusemeza​—Setani rundi Yahwe. Obworaba noyenda obwomezi obutahwaho oine kukomaho kukora Ruhanga ebyagonza. Setani aine obutego n’emihanda nyingi eyarabamu kubihabihamu abantu. Setani agwagwahaize abantu baingi.​—Okusuku’rwa 12:9.