Kuba munywani wa Ruhanga noyetaga kumwegaho. Banywani bawe nibamanya ibara lyawe kandi nibalikozesa? Bakikora. Ruhanga nawe nagonza omanye kandi okozese ibara lye. Ibara lya Ruhanga nuwe Yahwe. (Zabuli 83:18; Matayo 6:9) Oina kwega ebi ebyagonza n’ebyatagonza. Ni kikwetagisa kumanya banywani be n’abanyanzigwa be. Kitwaraho akasumi okumanyira kimu omuntu. Baibuli egamba ngu kyamagezi kweteraho akaire okegeramu ebirukukwata hali Yahwe.​—Abefeso 5:15, 16.

Banywani ba Ruhanga bakora ebyasiima. Cumitiriza hali banywani bawe. Ka kuba obatwara kubi kandi okakora ebibatarukugonza, mazima barasigara banywani bawe? Tibaru kwija! Omulingo nigwo gumu, obw’orukugonza kuba munywani wa Ruhanga, osemerire kukora ebyarukusiima.​—Yohana 4:24.

Tigali madini goona agarukukuhikya ha bunywani na Ruhanga. Yesu, omunywani mali wa Ruhanga akagamba hali emihanda ebiri. Omuhanda ogumu gugalihire kandi gwijwiremu abantu. Omuhanda ogu nigwebembera kutwara mukuhwerekerra. Omuhanda ogundi gufunzire kandi gulimu abantu bataito. Omuhanda ogu ni gw’ebembera kuhikya mu bwomeze obutahwaho. Kinu ni kimanyisa ngu obworaba nogonza kuba n’obunywani na Ruhanga osemerire kumanya omulingo gw’okumuramyamu oguhikire.​—Matayo 7:13, 14.