Setani ayohya abantu okukora ebintu ebibi. Ogu arukugonza kuba munywani wa Ruhanga aine kunoba ebi Yahwe anoba. (Zabuli 97:10) Binu nibyo ebimu abanywani ba Ruhanga baine kwetantara:

Ebibi by’obusihani. “Otalisihana.” (Okuruga 20:14) Okuterana hamu n’omuntu wena atakaswirwe rundi atakaswire nakyo kibi.​—1 Abakolinso 6:18.

Obutamizi. “Abatamizi . . . tibaligwetwa obukama bwa Ruhanga.”​—1 Abakolinso 6:10.

Okwita, okwihamu enda. “Otaliita.”​—Okuruga 20:13.

Obusuma. “Otaliiba.”​—Okuruga 20:15.

Okubiha ebisuba. Yahwe anoba “orulimi orubiha ebisuba.”​—Enfumo 6:17.

 Ireme n’ekiniga ekitaine kwerinda. “[Yahwe] anoba ogu agonza ireme.” (Zabuli 11:5) ‘Engeso z’omubiri nitwarramu ekiniga.’​—Abagaratiya 5:19, 20.

Okutera jara. ‘Okutaterana hamu n’omuntu wena ogu bwaba w’omururu.’​—1 Abakolinso 5:11.

Okusororangana mu rangi n’enganda. ‘Mweyongere kugonza abanyanzigwa banyu n’okusabira ababahiganiza.’​—Matayo 5:43, 44.

Ebintu Ruhanga atugambira biroho habw’oburungi bwaitu. Tikyanguhire okwetantarra kimu okukora ebintu ebibi butosa. Habwobukonyezi bwa Yahwe n’Abakaiso be, n’osobora kwehara kukora ebibihiza Ruhanga.​—Isaya 48:17; Abafiripi 4:13; Abaheburaniya 10:24, 25.