Tekerezaaho abarukukuhuliiriza. Obworaaba notekaniza, tekerezaaho ebizibu ebibarukurabamu kandi lengaho kutekerezaaho omulingo barukwehurramu.

Wegendereze ebigambo eby’orakozesa. Ekigendererwa kyawe kibe eky’okugarramu amaani, kuhuumuza, hamu n’okwekambisa abarukukuhuliiriza. Weriinde ebigambo ebisobora kubabiihiza. Kandi otabazaaho kubi abantu abatakuramya Yahwe rundi kubazaaho kubi ebibarukwikiririzaamu.

Yoleka ngu n’obafaaho. Yoleka abarukukuhuliiriza ngu nobafaaho kuraba omu kukozesa iraka ery’embabazi n’omulingo orakozesaamu ebicweka byawe eby’omubiri. Faayo muno ha mulingo orukuzooka ha maiso kandi ikara n’omwegerra.