ISOMO 15
Kwoleka ngu eby’Orukubaza n’Obigumya
1 Abasesalonika 1:5
EKY’OSEMERIIRE KUKORA: Yoleka nk’oku eby’orukubaza n’ogumya ngu by’amananu kandi bikuru.
OMULINGO OGW’OKUKIKORAMU:
-
Tekaniza kurungi. Soma ebikuhairwe kuhikya obw’orayetegereza omulingo ebyahandiikirwe birukusagika ensonga enkuru. Omu bigambo ebike, lengaho kusoborra ensonga enkuru obworaaba noyegesa. Tekerezaaho omulingo ziragasira abarukukuhuliiriza. Kandi saba Yahwe akuhe omwoyo ogurukwera.
-
Kozesa ebigambo ebirukwoleka ngu eby’orukubaza n’obigumya. Omu kiikaro ky’okubaza ebigambo byonyini ebiri ha rupapura, kozesa ebigambo ebyawe habwawe. Kandi obaze omu mulingo ogurukwoleka ngu n’ogumya eby’orukubaza.
-
Yoleka ngu eby’orukubaza n’obimanyisa kandi by’amananu. Baza omu iraka erikuhuliirwa kurungi. Rora abantu ha maiso obukiraaba kitali kibi omu kiikaro kyanyu.