Saba kandi otekanize kurungi. Saba Yahwe akukonyere oleke kwetekerezaaho baitu otekerezeeho obutumwa obw’orukugenda kwegesa. Manya kurungi ensonga enkuru ez’orukugonza kwegesa. Soborra omu bigambo byawe omu kiikaro ky’okusoma busoma ebiri ha rupapura orw’okuheeraho orubazo.

Baza kuruga ha mutima. Tekerezaaho ensonga habwaki abarukukuhuliiriza nibetaaga obutumwa orukubazaaho. Kandi nubo otekeho omutima. Obu nubwo omulingo orayemerramu, omulingo orakozesaamu ebicweka byawe eby’omubiri, n’omulingo orazooka ha maiso nibiija kwoleka ngu nobaza amananu kandi oli munywani.

Rora abarukukuhuliiriza. Rora abantu ha maiso obukiraaba kitali kibi omu kiikaro kyanyu. Obworaaba noha orubazo, rora omuntu omu h’omu, omu kiikaro eky’okurorra hamu abantu boona.