Tekerezaaho ensonga habwaki nosoma ekyahandiikirwe. Yanjura ekyahandiikirwe omu mulingo ogurasobozesa abarukukuhuliiriza kumanya ensonga habwaki nogenda kukisoma.

Yoleka obukuru bwa Baibuli. Obworaaba nobaza n’abantu abarukwikiririza omuli Ruhanga, kozesa ebigambo “Ekigambo kya Ruhanga” nukwo kyoleke ngu Baibuli erumu amagezi agarukukirayo oburungi.

Bakonyere kutunga ekihika eky’okumanya ebiri omu kyahandiikirwe. Kaguza ekikaguzo ekirukugarukwamu ekyahandiikirwe ekyo, bazaaho ekizibu ekiragonjorwa ekyahandiikirwe, rundi bazaaho omusingi ekyahandiikirwe eki kirabakonyera kwetegereza.