1, 2. Kyokurorraho ki ekirukwoleka omugaso gw’okuba n’orulengo rumu orw’okusaramu empaka z’ediini?

NI TUSOBORA tuta kumanya Ruhanga? Nikyetagisa kwetegereza enyegesa zona ez’ediini? Kinu tikikusoboka. Nobu twakukikozire, twakumanyire tuta enyegesa ey’ehikire?

² Mazima nkoku haroho entekereza nyingi ezirikukwata hali Ruhanga. Nikitwetagisa kumanya muhanda ki ogw’amazima rundi rulengo ki oruraikirranizibwaho. Nk’ekyokurorraho: Obu habaho empaka omu katale ezirukukwata haburaira bw’orugoye. Omutunzi agamba ngu rwine mita isatu baitu omuguzi agamba ngu turukuzihikya. Empaka zinu nizisarwa muki? Kiba kirungi okukwata orukoba orw’okupima mukarupima.

3. Habwaki Baibuli yahandikirwe?

³ Haroho orukoba rw’okupima rundi orulengo orusaraho ebintu by’ediini? Ego, niyo Baibuli. Ruhanga akahandikisa Baibuli nukwo abantu bona bamanye amazima agarukumukwataho. Baibuli, obukaikuru nobukaikuru butirwe omukyapa. Ehindirwe yoona rundi mubicweka mu ndimi ezirukukira 2,100. Haihi buli muntu nasobora kwesomera amazima agarukukwata hali Ruhanga mu rulimi rwe.

4. Makuru ki agarukusangwa omu Baibuli?

⁴ Baibuli kisembo ky’omuhendo kuruga hali Ruhanga. Esoborra ebintu bingi ebitutwakumanyire. Etugambira hali abo abaikara mukikaro eky’eby’omwoyo. Etusukurra ebitekerezo bya Ruhanga, emiringoye, hamu n’ekigendererwa kye. Etugambira hankoraganaye n’abantu  okumara omwanya muraingwa. N’egamba hali ebyo ebiribaho mubusumi obw’omumaiso. Kandi netwoleka omulingo gw’okuzoramu omuhanda oguratuhikya omubwomezi obutahwaho.

5. Kyokurorraho ki ekirukwoleka ngu Baibuli nikirraniza na sayansi?

⁵ Haroho ensonga nyingi muno habwaki twine kwikiriza Baibuli ngu mananukwo nikyo Kigambo kya Ruhanga. Ensonga emu eri nti, Baibuli nikirraniza hamu na sayansi. Mubusumi obwaira abantu omunsi yona baikirizaga ngu ensi n’esagikwa rundi ikalire ha kintu. Nk’ekyokurorraho omu Afrika ey’Obugwa Izooba. Abaayo baikirizaga ngu ensi ekaba ekwatirirwe enjoka enkooto. Eye kaba eyezingiremu emirundi 3,500. Baitu okugamba kimu na sayansi, omuhandiki owa Baibuli, akahandika ira muno emyaka 3,500 ehinguireho ngu Ruhanga “[ak]ahanika ensi nambere hataroho kintu.”​​—⁠Yobu 26:⁠7.

6. Bwakaiso ki oburukukirayo obukuru oburukwoleka ngu Baibuli n’eruga hali Ruhanga?

⁶ Obwakaiso oburukukirayo obukuru ngu Baibuli ekaruga hali Ruhanga nubwo oburukukwata hakuragura ebiraija. Obutasisana, okuragura kw’abantu, Ruhanga namanya kurungi eby’omubiro eby’omumaiso; nakyona ekyagamba kihikirra.

7. Bunabbi ki obumu obw’omu Baibuli obwahikirizibwe mubiro ebihingwire?

⁷ Obunabbi bwingi obw’omu Baibuli obwaragwirwe mu busumi bwaira bukahikirra. Nk’ekyokurorraho, hakaba nihaburayo emyaka 700, Baibuli ekagamba ngu Yesu akaba naija kuzarwa mu rubuga Beterehemu, kinu kikahikirra. (Mika 5:2; Matayo 2:​3-9) Kwongerezaho ha bunabbi bwingi oburukukwata hali Yesu, Baibuli ekagamba ngu Yesu akaba naija kuzarwa omukazi owa akaba atamanyire musaija kandi bakumugobize n’ebicweka 30 ebyafeza. Obunabbi bunu nabwo bukahikirra. Mazima busaho muntu eyakusoboire kuragura binu byoona!​​—⁠Isaya 7:​14; Zekaliya 11:​12, 13; Matayo 1:​22, 23; 27:​3-5.

8. Bunabbi ki obwo mu Baibuli oburukuhikirizibwa biro binu, kandi nibugumya ki?

⁸ Obunabbi bwingi obw’omu Baibuli nibuhikirizibwa omubiro byaitu. Hanu haroho buke ha bwokurorraho:

•   “Ihanga liriramagira ihanga erindi [mu bulemu] n’obukama buliramagira obukama; halibaho emisisa emikoto kandi mu myanya etali emu halibayo enjara n’orufu.”​—⁠Luka 21:​10, 11, NW.

• Halibaho okweyongera ‘kw’obwemi.’​—⁠Matayo 24:⁠12.

• “Omu biro bya hanyuma . . . abantu baliba abegonza bonka, nabagonza erupiya (sente), . . . nabatakuhu’ra ababazaire, . . . nabatanyina okwetanga, naba’ruma, nabatagonza oburungi, . . . nabenyumiza bonka, nabagonza okwesemeza bonka kukira kusemeza Ruhanga.”​—⁠2 Timoseo 3:​1-5.

Torukwikiriza ngu binu byoona nibihikirra hati bunu? Amazima n’okuhikirra kw’obunabbi bwa Baibuli nikwoleka ngu Baibuli teri nk’ekitabu ekyabulikiro. Nikyo Kigambo kya Ruhanga ekyaterekerezibwe omwoyo gwe!​​—⁠2 Timoseo 3:​16.

9, 10. Kiki ekirikwoleka nti Ruhanga taikiriize abantu kuhindura Baibuli?

⁹ Kakuba, oba oine ekyoma ekikora ebintu. Hanyuma okaha abakozi bawe ebiragiro byokukorraho. Kakuba omunyanzigwa wawe aija akahindura ebiragiro ebiwahandikire, wakukozire ki? Tuwakugoroire ebyahindwirwe? Nikyo kimu Ruhanga tasobora kuleka abantu okuhinduraho Ekigambo kye eky’amazima, Baibuli.

¹⁰ Abalengereho kuhindura enyegesa ez’omu Kigambo kya Ruhanga balemerwe. Obutulengesaniza Baibuli ei twinayo hati bunu n’ezo ezatirwe ira muno tusanga busaho mbaganiza yona. Kinu nikimanyisa ngu mu myaka yona eyehingwireho Baibuli tekahindurwahoga.