1. Abantu baine kusaramu ki habikwatiraine n’okuramya?

YESU akagamba ngu: “Omuntu atakora nanyowe nuwe munyanzigwa wange.” (Matayo 12:30) Titusobora kuba harubaju rwa Yahwe rundi orwa Setani mubwire bumu. Abantu abarukukira obwingi nibatekereza ngu nibahereza Ruhanga mu mulingo ogw’arukusima, baitu Baibuli egamba eti Setani nuwe “arukubihabiha ensi zona.” (Okusuku’rwa 12:⁠9) Obukaikuru n’obukaikuru bw’abantu abarukukira obwingi nibatekereza ngu nibaramya Ruhanga ow’amananu baitu mumananu nibahereza Setani Omuhangirizi! Abantu baine kucwamu kimu: Kuhereza Yahwe, “Ruhanga ow’amananu,” rundi Setani, “ise w’ebisuba.”​—Zabuli 31:5; Yohana 8:​44.

2. Mulingo ki ogumu Setani ogwatangamu abantu kuramya Yahwe?

² Okusaramu okuhereza Yahwe kiba kucwamu kw’amagezi; nikukuletera okusimibwa Ruhanga. Baitu Setani tasemererwa omuntu arukuhereza Ruhanga kandi aleteera emihito hamu n’enaku abo abasaramu kuhereza Ruhanga. Omulingo gumu akikora araba omukusekererwa, rundi kuhiganizibwa kuruga hali abandi, abanywani n’ab’omumaka. Yesu akarabura ngu: “[A]banyanzigwa bomuntu nibo bomukaye.”​—Matayo 10:⁠36.

3. Wakukozire ki kakuba ab’omuka yawe n’abanywani bawe bakuhakaniza mu kuramya Ruhanga?

³ Kinu obu kirikuhikaho, olikora ki? Abantu baingi nibamanya ngu omulingo gwabu ogw’okuramyamu gugwire, kyonka tibasobora kugwecwaho. Batekereza ngu nibaba baliremu orukwe ab’omumaka gabu. Mananu kinu kihikire? Kakuba ozora ngu abantu ab’omuka yawe nibakozesa ebintu  ebirukusiisa obwomezi nke njahi n’ebindi, tiwakubahabwire ngu ebibarukukozesa nibijja kusiisa obwomezi bwabu? Rundi wakwetabire mukukozesa ebintu nkebi, wakukikozere?

4. Kiki Yosuha ekiyagambire abasareri habikwatiraine n’okuramya omu biro bye?

⁴ Yosuha akatamu amani abaisareri ngu baleke emigenzo emibi ey’ediini ey’abaisenkuru babo. Akagamba: “Mutine Yahwe kandi mumuhereze omutali bugobya kandi mumazima, mweyiheho baruhanga ababaisenkuru inywe abo ababaherezaga nseri y’Ekyambu n’Omumisiri, kandi muhereze Yahwe.” (Yosuha 24:​14, NW) Yosuha akaba mwesigwa hali Ruhanga, na Yahwe akamuha omugisa. Kakuba twikara tuli besigwa hali Yahwe, naija kutuha emigisa.​—2 Samuiri 22:⁠26.

5. Habwaki twine kweyihaho ebintu byona ebyoburaguzi rundi oburogo?

⁵ Okwecwaho ediini y’ebisuba nikimanyisa ngu oine n’okweyihaho ebintu ebirukukozesebwa omu kuramya, nk’emidali, empeta z’emigisa n’ebintu ebirukusisana nkebyo. Kinu kikuru habwokuba nikyoleka nti tutaire obwesigwa bwaitu bwona omu Yahwe.

6. Kiki Abakristayo eki bakozire ebitabu byabu ebyo buraguzi?

⁶ Wecumitirize eki Abakristayo abaira eki bakozire obu basaziremu okusoma ediini ey’amazima. Baibuli egamba ngu: “Kandi baingi hali abo aba[k]oraga ebyokuragura bakasoroza ahamu ebitabu byabu, babyokeza omu maiso gabantu bona.”​—Engeso 19:⁠19.

7. Twakukozire ki kakuba amasetani gatutuntuza?

⁷ Abamu abahereza Yahwe abakaba nibaragura, nibasera, rundi okukora engeso ezindi embi z’okubandwa basobora kutalibanizibwa amasetani. Kakuba kinu kikubaho, hikirra Yahwe mukusaba, mw’iraka lyamani, n’okozesa ibara lye. Naija kukuyamba.​—Enfumo 18:10; Yakobo 4:⁠7.

8. Abakristayo barora bata ebisisani ebisarwirwe hamu n’ebisigirwe n’ebibaizirwe ebikozesebwa mukuramya okw’ebisuba?

⁸ Abo abarukugonza kuhereza Yahwe tibaine kwahura rundi kukozesa ebisisani ebisarwirwe, n’ebibumbirwe rundi ebisigirwe ebikozesebwa omukuramya kw’ebisuba. Abakristayo abamazima “[ba]gendera omu kuikiriza, kuno tihali omu kurora.” (2 Abakolinso 5:⁠7) Batamu ekitinisa ekiragiro kya Ruhanga ekitanga enkozesa yona ey’ebisisani ebisarwire omukuramya.​—Okuruga 20:​4, 5.

9. Baibuli eha kutererra ki obwokuba noyenda kuba ow’amagezi?

⁹ Baibuli egamba: “Gendanga nabantu abamagezi kandi olifoka owamagezi.” (Enfumo 13:20) Obuturaba nitugonza kuba b’amagezi, tusemerire kugenda, rundi kuterana, na Bakaiso ba Yahwe. Nibo bantu abarukugendera mu muhanda ogurukuhikya mu bwomezi.​—Matayo 7:​14.

10. Bakaiso ba Yahwe nibasobora kukuyamba bata omukuhereza Ruhanga?

¹⁰ Abakaiso, mazima bafayo muno hali abantu abandi. Omulimu gwabu nukwo kuyamba ab’emitima emirungi okumanya amazima ga Baibuli agarukuhikya mu bwomezi obutahwaho. Nibasobora kukuyamba kusoma Baibuli hatali kukusasuza kintu kyona. Nibaija kugarukamu ebikaguzo byawe hamu n’okukwoleka omulingo ogw’okusobora kuta munkora ebyoyegere omu Baibuli mu bwomezi bwawe.​—Yohana 17:⁠3.

11. Ensorrokano ez’Ekikristayo zisobora kukuyamba zita?

¹¹ Munsorrokano zabu ezibaho omu Kingdom Hall, noija kwega ebintu ebindi bingi ebirukukwata hali emihanda ya Yahwe. Noija kugumibwa mukugonza kwawe kuba mu diini ey’amazima. Kandi noija kutendekebwa omulingo ogwokusobora kuyambamu abandi kumanya amazima ga Baibuli.​—Abaheburaniya 10:​24, 25.

12. Okusaba nikukuyamba kuta mukuhereza Ruhanga?

¹² Obworukweyongera kumanya ebi Ruhanga agonza n’ekigendererwa kye, noija kweyongera kusima emikorre ye ey’okugonza.  Oine kweyongera okugonza kukora ebi Ruhanga agonza hamu n’okwetantarra kimu ebimubihiza. Ijuka ngu nosobora kumwirra haihi omukusaba akuyambe mukukora ebihikirire n’okwehara ebyatagonza.​—1 Abakolinso 6:​9, 10; Abafiripi 4:⁠6.

13. Nosobora kusemeza ota omutima gwa Yahwe?

¹³ Obwogenda noyeyongera kukura muby’omwoyo, noija kukisanga ngu nikija kukwetagisa kwehayo, kandi obatizibwe nk’omu ha Bakaiso ba Yahwe. Kuba oba omu ha abantu ba Yahwe, noija kusemeza omutima gwa Yahwe. (Enfumo 27:11) Noija kuba omu h’abantu Ruhanga abagambaho ngu: “Ndaikaraga omulibo, kandi ndagenderaga omulibo: kandi ndiba Ruhanga wabu, kandi bo baliba abantu bange.”​—2 Abakolinso 6:​16.