ISOMO 13
Omulingo Amadiini ag’Ebisuba Gabaza Ebitahikire Hali Ruhanga
Ruhanga kugonza, Baitu habwaki amadiini agarukugamba ngu nigamuramya gakozere ebintu ebibi muno? Amadiini ganu g’ebisuba, nahabweki, ebigabaza hamu n’ebigakora biretera abantu kwetegereza kubi Ruhanga. Gabalize gata ebitahikire hali Ruhanga? Ruhanga nayehurra ata ha kintu eki? Kandi naija kukikorra ki?
1. Amadiini ag’ebisuba gabaza gata ebitahikire hali Ruhanga kurabira omu nyegesa zaago?
Amadiini ag’ebisuba ‘gahingisa amazima ga Ruhanga omu bisuba.’ (Abarumi 1:25) Ekyokurorraho, amadiini maingi tigegeseze abantu baago ibara lya Ruhanga. Baitu, Baibuli n’egamba ngu ibara lya Ruhanga lisemeriire kukozesebwa. (Abarumi 10:13, 14) Abembembezi b’amadiini abamu bagamba ngu ekintu ekibi obukibaho, Ruhanga nukwo aba agondeze. Baitu ebi bisuba. Ruhanga tali nuwe aletera ebintu ebibi kubaho. (Soma Yakobo 1:13.) Eky’obusaasi, ebisuba by’amadiini biremeseze abantu kugonza Ruhanga.
2. Amadiini ag’ebisuba gabaza gata ebisuba hali Ruhanga kurabira omu bikorwa byago?
Amadiini ag’ebisuba tigatwaza abantu nk’oku Yahwe abatwaza. Baibuli egamba ngu ebibi eby’amadiini ag’ebisuba “bihikire omu iguru.” (Okusuku’rwa 18:5) Kumara ebyasa bingi, amadiini gejumbiire omu by’obulemi, gasagikire obulemu, kandi galeteriize rundi gasagikire okwitwa kw’abantu baingi muno. Abebembezi b’amadiini agamu bagonza kuba baguuda kandi basaba abahondezi babo sente. Ebikorwa binu byoleka ngu tibamanyire Ruhanga, nahabweki tibasemeriire kubaza omu ibara lye.—Soma 1 Yohana 4:8.
3. Ruhanga ayehurra ata hali amadiini ag’ebisuba?
Ebikorwa eby’amadiini g’ebisuba obubiraaba nibikubiihiza, n’otekereza Yahwe nayehurra ata? Yahwe n’agonza abantu, baitu abihiriirwe abebembezi b’amadiini abarukumubazaaho ebisuba kandi bakabonabonesa abahondezi babo. Naraganiza ngu amadiini ag’ebisuba nigaija kuhwerekerezebwa kandi ‘tigalizooka obundi.’ (Okusuku’rwa 18:21) Omu kasumi akatali ka hara, Ruhanga naija kuhwerekereza amadiini goona ag’ebisuba.—Okusuku’rwa 18:8.
YEGA EBIRUKUKIRAHO
Manya ebirukukiraho ha mulingo Ruhanga ayehurra ha madiini ag’ebisuba. Manya ebirukukiraho ha bintu gakozere, baitu ekindi manya habwaki eki kitasemeriire kukulemesa kumanya Yahwe.
4. Ruhanga tasiima amadiini goona
Abantu baingi baikiriza ngu amadiini gali nk’enguudo ezirukwahukana ezirukuhikya hali Ruhanga. Baitu ago mananu? Musome Matayo 7:13, 14, hanyuma mubazeeho ekikaguzo kinu:
-
Baibuli ebazaaho eta omuhanda ogurukuhikya omu bwomeezi?
Mutekeho VIDIYO, hanyuma mubazeeho ekikaguzo ekirukuhonderaho.
-
Mali Baibuli eyegesa ngu haroho amadiini maingi agarukusemeza Ruhanga?
5. Amadiini ag’ebisuba tigooleka okugonza kwa Ruhanga
Amadiini ag’ebisuba gabalizeeho Ruhanga ebitahikire omu miringo nyingi. Gumu ha miringo emibi, nukwo kwejumbira omu bulemu. Kurora ekyokurorraho kimu, mutekeho VIDIYO. Hanyuma mubazeeho ebikaguzo ebirukuhonderaho.
-
Amadiini maingi gakakora bintu ki omu Bulemu bw’Ensi Yoona II?
-
Ebintu ebigaakozere nibikuletera kwehurra ota?
Musome Yohana 13:34, 35 na 17:16. Hanyuma mubazeeho ebikaguzo binu:
-
Notekereza Yahwe nayehurra ata amadiini obugejumbira omu bulemu?
-
Amadiini ag’ebisuba nigajunanizibwa habw’ebintu ebibi bingi. Kiki ekirukwoleka ngu amadiini galemerwe kwoleka okugonza kwa Ruhanga?
Amadiini ag’ebisuba tigoolekere okugonza kwa Ruhanga
6. Ruhanga n’agonza kukonyera abantu baruge omu madiini g’ebisuba
Musome Okusuku’rwa 18:4, a hanyuma mubazeeho ekikaguzo kinu:
-
Nikikuletera kwehurra ota kumanya ngu Ruhanga n’agonza kukonyera abantu abahabisiibwe amadiini ag’ebisuba?
7. Weyongere kwega hali Ruhanga ow’amananu
Ebintu eby’amadiini ag’ebisuba gabaza rundi gakora bisemeriire kukwataho omulingo orukuroramu Ruhanga? Teramu akasisani omusigazi ow’ayangire amagezi ise arukumuha. Omusigazi aruga omu ka kandi akora ebintu ebibi muno. Ise tarukusiima ebikorwa bya mutabani we. Habwaki kitali ky’obwinganiza kujunaana ise habw’omulingo mutabani we arukutwazaamu obwomeezi bwe?
-
Ky’obwinganiza kujunaana Ruhanga kandi tukaleka kumwegaho habw’ebikorwa by’amadiini ag’ebisuba?
ABANTU ABAMU BAGAMBA: “Tindukugonza kumanya ebirukukwata hali Ruhanga habwokuba amadiini niyo endugirro ey’ebizibu bingi.”
-
Naiwe nukwo orukwehurra?
-
Habwaki ebikorwa by’amadiini bitasemeriire kukwataho omulingo turukuroramu Yahwe?
OYEGERE KI?
Amadiini ag’ebisuba gabalizeeho Ruhanga ebitahikire kurabira omu nyegesa zago ez’ebisuba hamu n’ebikorwa ebibi. Ruhanga naija kuhwerekereza amadiini ag’ebisuba.
Kweijukyamu
-
N’oyehurra ota ha bintu amadiini ag’ebisuba garukwegesa n’omulingo garukwetwazaamu?
-
Yahwe n’ayehurra ata hali amadiini ag’ebisuba?
-
Kiki Ruhanga ekyalikorra amadiini ag’ebisuba?
SERULIIRIZA
Manya emiringo ebiri ey’amadiini gatasemezaamu Ruhanga.
“Amadiini Goona Nigasisana? Goona Nigahikya Hali Ruhanga?” (Ekicweka kinu kiri ha mukura)
Habwaki Ruhanga n’agonza tumuramye tuli n’abantu abandi?
“Nikyetaagisa Kuba omu Diini?” (Ekicweka kinu kiri ha mukura)
Omwebembezi w’ediini akaba abihiriirwe ediini ye. Baitu kinu kitamutange kwega amananu agarukukwata hali Ruhanga.
“Habwaki Omupaadiri Yarugire omu Keleziya” (Awake!, eya Febwali 2015)
Kumara emyaka nyingi, amadiini gaikaire nigegesa ebisuba ebiretera abantu kwikiriza ngu Ruhanga tarukubafaaho kandi ngu muntu mubi. Manya amananu agarukukwata ha bisuba eby’emiringo esatu.
“Ebisuba Ebiretera Abantu Kunoba Ruhanga” (Watchtower, eya Novemba 1, 2013)
a Kumanya ensonga habwaki ekitabu eky’Okusuku’rwa kyeta amadiini ag’ebisuba omukazi ow’arukwetwa Baburoni Orubuga Orukuru, Rora Ebyongiirweho 1.
