ISOMO 18
Omulingo Osobora Kumanya Abakristaayo Abahikire
Obuhumbi n’obuhumbi bw’abantu beyeta Abakristaayo. Baitu boona enyikiriza zaabo tizirukusisana kandi tibahondera endengo ezirukusisana. Nahabweki, nitusobora tuta kumanya Abakristaayo abahikire?
1. Omukristaayo ow’amananu nuwe oha?
Abakristaayo ab’amananu nubo abegeswa rundi abahondezi ba Yesu Kristo. (Soma Engeso Ezabakwenda 11:26.) Booleka bata ngu begeswa ba Yesu? Yesu akagamba ati: “Obumuraba nimuikara omu kigambo kyange, nukwo muli begeswa bange mali.” (Yohana 8:31) Kinu nikimanyisa ngu Abakristaayo ab’amananu basemeriire kworobera enyegesa za Yesu. Kandi nk’oku butoosa Yesu yayegesaaga n’asigikirra ha Byahandiikirwe, n’Abakristaayo ab’amananu, enyegesa zaabo zisigikirra ha Baibuli.—Soma Luka 24:27.
2. Abakristaayo abahikire booleka bata okugonza?
Yesu akagambira abahondezi be ati: “Mugonzanganege, nkokunabagondeze nyenka.” (Yohana 15:12) Yesu akooleka ata ngu n’agonza abegeswa be? Akamara obwire nabo, akabagarramu amaani, kandi yabakonyeraga. Akahayo n’obwomeezi bwe habwabo. (1 Yohana 3:16) Omulingo nugwo gumu Abakristaayo ab’amananu tibagarukira ha kwegesaaho okugonza kyonka. Booleka ngu nibagonzangana kurabira omu bigambo n’omu bikorwa byabo.
3. Abakristaayo abahikire nibakora mulimo ki?
Yesu akaha abegeswa be omulimo. ‘Akabatuma okutebeza Obukama bwa Ruhanga.’ (Luka 9:2) Abakristaayo abaabandize batagarukire ha kutebeza omu biikaro byabo eby’okuramizaamu honka, baitu n’omurwijwire hamu n’omu maka g’abantu. (Soma Engeso Ezabakwenda 5:42; 17:17.) Omulingo nugwo gumu, kasumi kanu Abakristaayo ab’amananu batebeza amananu ag’omu Baibuli hoona nambere basanga abantu. Bagonza bataahi baabo nahabweki, n’okusemererwa bakozesa obwire n’amaani gaabo kugambiraho abantu obutumwa bwa Baibuli oburukubaha okunihira kandi bukabahuumuza.—Marako 12:31.
YEGA EBIRUKUKIRAHO
Tekerezaaho omulingo osobora kubaganizaamu Abakristaayo abahikire hali abantu abatahondera enyegesa za Yesu n’ekyokurorraho kye.
4. Baserra amananu agali omu Baibuli
Abakristaayo aba kara batamuga Ekigambo kya Ruhanga ekitiinisa
Abantu abamu abeyeta Abakristaayo tibatamu ekitiinisa amananu agali omu Baibuli. Mutekeho VIDIYO, hanyuma mubazeeho ekikaguzo kinu.
-
Amadiini agarukweyeta ag’Ekikriistaayo gakozere ki kulemesa abantu kumanya enyegesa za Yesu?
Yesu akegesa amananu kuruga omu Kigambo kya Ruhanga. Musome Yohana 18:37, hanyuma mubazeeho ekikaguzo kinu:
-
Kusigikirra ha bigambo bya Yesu, nitusobora tuta kumanya Abakristaayo ‘abamananu’?
5. Batebeza amananu agali omu Baibuli
Abakristaayo aba kara batebezaaga abandi
Yesu obw’akaba atakagarukire omu iguru, akaha abahondezi be omulimo ogukyakorwa n’omu kasumi kanu. Musome Matayo 28:19, 20 na Engeso Ezabakwenda 1:8, hanyuma mubazeeho ekikaguzo kinu:
-
Baakutebiize kuhikya di kandi kuhika nkaha?
6. Bateeka omu nkora ebibatebeza
Kiki ekyagumize omusaija ow’arukwetwa Tom ngu akaba azoire Abakristaayo abahikire? Mutekeho VIDIYO, hanyuma mubazeeho ebikaguzo ebirukuhonderaho.
-
Nk’oku turozere omu viidiyo, kiki ekyaletiire Tom kurugaho eby’ediini?
-
Kiki ekyamuletiire kukigumya ngu azoire amananu?
Ebikorwa bikuru kukira ebigambo. Musome Matayo 7:21, hanyuma mubazeeho ekikaguzo kinu:
-
Kiki ekirukukira obukuru hali Yesu—Kugamba ngu nitumwikiririzaamu rundi kukyoleka kurabira omu bikorwa?
7. Bagonzangana
Abakristaayo aba kara bagonzagangana
Mali Abakristaayo baakatekaga obwomeezi bwabo omu kabi habw’Abakritaayo bagenzi babo? Mutekeho VIDIYO, hanyuma mubazeeho ekikaguzo kinu.
-
Nk’oku turozere omu vidiyo, kiki ekyaletiire Lloyd kuteeka obwomeezi bwe omu kabi habw’oworuganda Johansson?
-
Notekereza aketwaza nk’Omukristaayo ow’ahikire?
Musome Yohana 13:34, 35, hanyuma mubazeeho ebikaguzo binu:
-
Abegeswa ba Yesu (Abakristaayo abahikire) basemeriire kutwaza bata abantu ab’erangi endi rundi ab’ihanga erindi?
-
Eki nibasobora kukikora bata omu kasumi k’obulemu?
ABANTU ABAMU BAGAMBA: “Ediini ey’orumu tikiri kikuru. Ekikuru, kasita oba noikiririza omuli Yesu Kristo?”
-
Kyahandiikirwe ki eky’osobora kusomera omuntu ekirukwoleka omulingo tusobora kumanya Abakristaayo abahikire?
OYEGERE KI?
Abakristaayo abahikire bahondera Baibuli ekyeyegesa, boleka okugonza okw’okwefereza, kandi batebeza amananu agali omu Baibuli.
Kweijukyamu
-
Enyikiriza ez’Abakristaayo abahikire zisigikirra hali ki?
-
Abakristaayo abahikire obarorra hali ki?
-
Abakristaayo abahikire bakora mulimo ki?
SERULIIRIZA
Manya ebirukukiraho ebirukukwata ha guruupu y’abantu abarukukora kyona ekirukusoboka kuhondera ekyokurorraho kya Yesu hamu n’enyegesa ze.
Manya ekyaletiire omusista w’ekeleziya kuzoora eka “ey’eby’omwoyo kandi ey’amananu.”
“Bakakozesa Baibuli Kugarukamu Buli Kikaguzo!” (Watchtower, eya Apuli 1, 2014)
Manya omulingo Abakristaayo abahikire bolekamu okugonza hali Abakristaayo bagenzi babo abarukwetaaga obukonyezi.
Kukonyera ab’Oruganda Obubahikwaho Ebigwererezi—Akacweka ka Vidiyo (3:57)
Manya omulingo Abakristaayo aba kara hamu n’Abakristaayo abahikire omu kasumi kanu bakora ebintu ebirukusisana kandi Yesu ebiyagambire ngu abahondezi be bakukozere.
“Obwokurorraho obw’Abakristaayo ab’Amananu Nubwo Buha?” (Watchtower, eya Maaci 1, 2012)
