Omulingo osobora kweyongera kugasirwa omu kwega Baibuli kunu
Mubanze mubazeeho enyanjura enu, hanyuma mutekeho VIDIYO.
EKICWEKA KY’OKUBANZA
Kusobora kwetekaniriza buli isomo, soma ekicweka ky’okubanza eky’isomo. Ebikaguzo ebiri omu nyuguta ezikwasire (A) hamu n’ebyahandiikirwe (B) bigumya ensonga enkuru. Wetegereze ngu ebyahandiikirwe ebimu bihandiikirweho “soma.”
EKICWEKA EKYA HAGATI
Ebigambo ebirukutandika (C) hansi y’ekicweka Yega Ebirukukiraho nibisoborra ensonga ezirabazibwaho. Emitwe emitaito (D) n’eyanjura ensonga enkuru. Iwe n’omwegesa waawe, musome ebyahandiikirwe, mugarukemu ebikaguzo, kandi murole vidiyo.
Akasanduuko ka VIDIYO nikakutwara ha vidiyo ey’erukwongerereza ha bigambo. Vidiyo ezimu nizooleka ebintu ebyabaireho kwo. Ezindi mizaano ey’etarukwoleka ebintu ebyabaireho rundi abantu abaabaireho kwo baitu zooleka enyikara eziroho.
Wetegereze ebisisani hamu n’ebigambo ebirukubisoborra (E), kandi otekerezeeho omulingo osobora kugarukamu ebikaguzo ebiri omu kicweka Abantu Abamu Bagamba (F).
EKICWEKA EKY’OKUMALIRRA
Oyegere Ki? na Kweijukyamu (G) nibyo birukumalirra isomo. Handiika ebiro by’okwezi ebimumaliireho isomo. Ekicweka Lengaho kinu (H) kikuha ekintu eky’orakora kusobora kuteeka omu nkora oby’oyegere. Ekicweka Seruliiriza (I) kirumu ebintu ebindi eby’osobora kusoma rundi kurora.
Nk’oku osobora kuzoora ebyahandiikirwe omu Baibuli
Omu Baibuli harumu ebitabu 66. Ecwirwemu ebicweka bibiri: Ebyahandiikirwe eby’Oruheburaniya n’Oruramaiki (“Endagaano Enkuru”) hamu n’Ebyahandiikirwe eby’Ekikristaayo eby’Oruyonaani (“Endagaano Empyaka”).
Kakuba ekyahandiikirwe kiba kijuliziibwe omu kwega kunu, kyolekwa kusigikirra ha ibara ly’ekitabu kya Baibuli (A), esuura (B), hamu n’Orukarra rundi enkarra (C).
Ekyokurorraho, Yohana 17:3 nikimanyisa ekitabu kya Yohana, esuura 17, orukarra 3.
