HABWAKI KIKURU: Buli kitabu ekiri omu Bikwato Byaitu Ebitukozesa Kwegesa biragirra ha mukura ogwa jw.org. Kandi n’omugaso omukuru ogwa kaadi erukuragirra ha mukura hamu na turakiti Ninkaha Nambere Tusobora Kutunga eby’Okugarukamu bye Bikaguzo Ebikuru omu Bwomezi? nugwo kuragirra abantu ha mukura gwaitu. N’osobora kusindikira omuntu kimu ha bitabu ebiri omu Bikwato Byaitu Ebitukozesa Kwegesa n’okozesa omukura ogwa jw.org kumusindikira e-mail rundi link erukumutwara nambere kiri. Kinu nikisobora kukukonyera kutebeza omuntu ow’arukubaza orulimi orundi. Abantu nibasobora kukukaguza ebikaguzo ebiri omu bitabu ebindi ebikusangibwa ha mukura, baitu ebitali bimu ha bitabu ebiri omu Bikwato Byaitu Ebitukozesa Kwegesa. Obuturaaba tumanyire kukozesa kurungi omukura gwaitu, nitwija kweyongera kuhikiriza kurungi obuheereza bwaitu.

OMULINGO GW’OKUKIKORAMU:

• Kozesa ekicweka “BIBLE TEACHINGS.” Kakuba oba n’otebeza omuzaire arukugonza kumanya ebirukukiraho ha kukuza abaana. Genda ha kicweka BIBLE TEACHINGS > MARRIAGE & FAMILY.

• Kozesa ekicweka “EBITABU.” Kakuba oba oli mukutebeza okw’otetekaniriize ha isomero kandi n’ogonza kusindikira omwegi mugenzi wawe burocuwa Ebikaguzo 10 Ensinganto Ebi Bekaguza Nibigarukwamu. Genda ha kicweka EBITABU > EBITABU NA BUROCUWA.

• Kozesa ekicweka “ABOUT US.” Kakuba oba n’otebeza ow’orukukora nauwe ow’arukugonza kumanya ebimu ha bintu ebi twikiririzaamu. Genda ha kicweka ABOUT US > FREQUENTLY ASKED QUESTIONS.

MUROLE VIDIYO KUKOZESA OMUKURA OGWA JW.ORG, HANYUMA MUBAZEEHO NAMBERE OSEMERIIRE KUGENDA HA MUKURA GWAITU KUSOBORA KUKONYERA:

• omuntu atarukwiriza ngu Ruhanga aroho

• omuntu ow’atungire ekizibu eky’amaani

• ow’oruganda rundi munyanya itwe owagarukiriire omu by’omwoyo

• omuntu ou tugarukiire kakuba atukaguza omulingo omulimo gwaitu gusagikwamu

• omuntu kuruga omu ihanga lindi ow’arukugonza kugenda omu nso’rokano ez’omu ihanga lye