Yesu akahayo obwomeezi bwe kufeera abantu abatahikirire. (Bar 5:8) Hataroho kugurukyagurukya naitwe nitusiima habw’okugonza Yesu okuyatwolekere obuyahaireyo obwomeezi bwe ha bwaitu. Baitu obumu nitwetaaga kwijuka nk’oku mugenzi waitu nauwe, Yesu akamufeera. Nitusobora tuta kwoleka ab’oruganda n’abanyanya itwe okugonza nk’okwa Kristo, n’obubaraaba batahikirire nka itwe? Tekerezaaho emiringo enu esatu. Ogw’okubanza, nitusobora kunywana ab’oruganda abali omu nyikara ezikwahukana n’ezaitu. (Bar 15:7; 2Kol 6:12, 13) Ogwakabiri, nitusobora kweriinda kubaza rundi kukora ebintu ebisobora kubihiza abandi. (Bar 14:13-15) Eky’okumalirra, kakuba omuntu atusobeza, tusemeriire kurahuka kumuganyire. (Luk 17:3, 4; 23:34) Obuturayekamba kuhondera eky’okurorraho kya Yesu omu miringo enu, Yahwe naija kuha ekitebe omugisa kibemu obusinge n’obumu.

MUROLE VIDIYO WEYONGERE KUSEMERA! HANYUMA MUGARUKEMU EBIKAGUZO BINU:

• Ha kubanza Miki akaba n’ayehurra ata ha kitebe akaba arumu?

• Kiki ekyaletiire entekereza ye kuhinduka?

• Ekyokurorraho kya Yesu kikakonyera kita Miki kuterekereza entekereza ye? (Mar 14:38)

• Enfumo 19:11 nirutukonyera ruta kurora Abakristaayo bangenzi baitu omu mulingo oguhikire?