OBWOMEEZI BWAITU NK’ABAKRISTAAYO
Wekambire Okwegesebwa Okuruga Hali Ruhanga
HABWAKI KIKURU: Yahwe, Omwegesa Arukukirrayo kimu, natwegesa omu mulingo ogurukukirrayo kimu oburungi. Atwegesa omulingo tusobora kwongera kusemeza obwomeezi bwaitu hati kandi n’omulingo tusobora kwetekaniriza obwomeezi obw’omu maiso oburungi kandi kinu akikora tutamusaswire. (Is 11:6-9; 30:20, 21; Kus 22:17) Yahwe ayongera atwegesa omulingo tusobora kutebeza abantu amakuru amarungi agarabajuna.—2Kol 3:5.
OMULINGO GW’OKUKIKORAMU:
-
Kurakuraniza emiringo nk’obwebundaazi n’obuculeezi.—Zab 25:8, 9
-
Ikiriza okutendekwa kwona okw’orukutunga hati nk’okuha embazo eziba omu nsorrokano eza hagati omu wiiki
-
Wetereho ebigendererwa eby’omwoyo.—Baf 3:13
-
Ba n’omutima gw’okwehayo nukwo osobole kutunga omugisa ogw’okwongera kutendekwa.—Baf 3:8
MUROLE VIDIYO EMIGISA EY’ERUGA OMU KWEGESEBWA YAHWE, HANYUMA MUGARUKEMU EBIKAGUZO BINU:
-
Bizibu ki abatebezi abamu ebi barabiremu kusobora kugenda omu Isomero ly’Abatebezi b’Obukama?
-
Abo abagenda omu Isomero ly’Abatebezi b’Obukama batunga kutendekebwa kwa mulingo ki?
-
Ab’oruganda omu kitebe bakakonyera bata abo abaali barugire omu isomero kusobora kuhikiriza obujunanizibwa bwabo obuhyaka?
-
Bintu ki eby’osemeriire kuhikiriza kusobora kugenda omu Isomera ly’Abatebezi b’Obukama? (kr-E 189)
-
Kutendekwa ki okundi okw’osobora kutunga omu kitebe kya Yahwe?