Kutandika n’omwaka gunu, nitwija kutungaga obwire oburukumara kwetekaniriza Ekiijukyo. Ekiijukyo obukirabahoga hagati omu wiiki, orusorrokano orw’Obwomeezi n’Obuhereza bwaitu nk’Abakristaayo tirukwija kubahoga. Kandi Ekiijukyo obukirabahoga ha wiikendi, orubazo rwa boona hamu n’okwega Omunaara gw’Omulinzi tibirukwija kubahoga. Obwire bunu obw’ohairwe orabukozesa kurungi? Nk’oku kyali kiri omu kyasa eky’okubanza, naitwe tusemeriire kwetekaniriza kurungi omukoro gunu ogw’embaganiza. (Luk 22:7-13; km 3/15 1) Baitu tusemeriire n’okutekaniza emitima yaitu. Kinu nitusobora kukikora tuta?

• Kwecumitirizaaho obukuru bw’okuba ha Kiijukyo.​—1Kol 11:23-26

• Saba kandi otekerezeeho enkoragana yaawe hamu na Yahwe.​—1Kol 11:27-29; 2Kol 13:5

• Soma kandi oyecumitirizeeho Ebyahandiikirwe ebirukwoleka amakuru g’Ekiijukyo.​—Yoh 3:16; 15:13

Ab’oruganda abamu basoma kandi becumitirizaaho Okusoma Baibuli okw’Ekiijukyo okusangwa omu katabu kaitu Okwekebiija Ebyahandiikirwe Buli Kiro. Abandi basoma Ebyahandiikirwe ebiri omu caati ey’eyolekerwe. Kandi abandi bongera basoma ebicweka kuruga omu Munaara gw’Omulinzi ebirukubazaaho Ekiijukyo hamu n’okugonza Yahwe na Yesu batwolekere. Kyona ekyoracwamu kwesomesa, leka kikukonyere kweyongera kwirra haihi na Yahwe hamu n’Omwana we.