Yakobo akafukaana na malaika habw’ekintu ekikuru muno kandi eki nikyo, omugisa gwa Yahwe. (Kub 32:24-31; Hos 12:3, 4) Kandi itwe? Oyetegekere kukozesa amaani gawe goona kworobera Yahwe nukwo otunge omugisa gwe? Ekyokurorraho, turacwamu ki kakuba obwire bw’ensorrokano buhika baitu ha mulimo tukasabwa kuhinguza ha saaha ezitukora buli kiro? Obutukozesa obwire bwaitu, amaani n’ebintu ebitwine kuheereza Yahwe, naija kutuha “emigisa nyingi muno tuburwe n’ahokugita.” (Mara 3:10, NW) Naija kutuhabura, atulinde kandi atuhe byona ebiturukwetaaga.—Mat 6:33; Baheb 13:5.

MUROLE VIDIYO OTAHUGUKA KURUGA HA BIGENDERERWA BYAWE EBY’OMWOYO, HANYUMA MUGARUKEMU EBIKAGUZO BINU:

• Ekintu munyaanya itwe yagonzaga kikamulenga kita?

• Omulimo gwaitu gusobora guta kutulenga?

• Habwaki Timoseo kyamwetagisize kwikara nayeteraho ebigendererwa n’obukiraaba ngu akaba akuzire omu by’omwoyo?—1Tim 4:16

• Omulimo gwaitu omukuru nugwo guha kandi nitusobora kukyoleka tuta?