HABWAKI KIKURU: Abantu basemeriire kwega emisingi ya Yahwe n’okugikorraho nukwo basobole kumuramya omu mulingo oguhikire. (Is 2:3, 4) Akatabu “Okugonza Kwa Ruhanga” kali katabu kakabiri akakozesebwa kwegesa omwegi wa Baibuli nukwo asobole kumanya nk’oku asobora kuta omu nkora emisingi ya Baibuli omu bwomeezi bwe. (Baheb 5:14) Tusemeriire kwegesa kurungi akatabu kanu nukwo tusobole kuhika ha mitima y’abeegi baitu ekirabakonyera kukora empinduka omu bwomeezi bwabo.—Bar 6:17.

OMULINGO GW’OKUKIKORAMU:

• Tekaniza kurungi, kandi tekaniza nosigikirra ha bintu eby’asemeriire kukoraho. Mukaguze ebikaguzo ebirakukonyera kumanya entekereza ye n’okumanya omulingo arukukwatibwaho ha nsonga ei murukwegaho.—Nfu 20:5; be-E 259

• Kozesa obusanduuko bwoona obuli omu katabu nukwo okonyere omwegi wawe kumanya omugaso gw’okukorra ha misingi ya Baibuli

• Konyera omwegi wawe kukora encwamu nasigikirra ha muntu we ow’omunda baitu otamucweramu.—Bag 6:5

• Kozesa amagezi kumanya omwegi wawe obwaraaba aine emisingi ya Baibuli ey’asemeriire kuta omu nkora. Omu mulingo gw’embabazi mukonyere kukora empinduka nasigikirra ha ngonzi ezainire Yahwe.—Nfu 27:11; Yoh 14:31