HABWAKI KIKURU: Yahwe asobozesa ensigo ey’amananu kukurra omu mitima yabo “abaine entekereza enungi ey’esobora kubakonyera kutunga obwomeezi obutahwaho.” (Eng 13:48 NW; 1Kol 3:7) Obutuba omu buheereza, tukata amaani gaitu hali abo abarukuta omu nkora ebibarukwega, tuba nitukorra hamu na Yahwe. (1Kol 9:26) Abeegi ba Baibuli basemeriire kukyetegereza ngu okubatizibwa nikwetaagisa nukwo basobole kujunwa. (1Pet 3:21) Tubakonyera kufooka abegeswa, obutubegesa omulingo basobora kukora empindahinduka omu bwomeezi bwabo, omulingo basobora kutebeza n’okwegesa, kandi n’okwehayo hali Yahwe.​—Mat 28:19, 20.

OMULINGO GW’OKUKIKORAMU:

• Konyera abeegi ba Baibuli kwijuka ngu ekigenderwa kyabo eky’okwega Baibuli nikyo ‘eky’okumanya’ Yahwe n’okukora eby’agonza.​—Yoh 17:3

• Bakonyere basobole kusingura ebintu ebisobora kubalemesa kukurakurana omu by’omwoyo nk’engeso embi hamu n’abanywani ababi

• Bagumye kandi obagarremu amaani batakabatiziibwe na hanyuma y’okubatiziibwa.​—Eng 14:22

MUROLE VIDIYO YAHWE NAIJA KUKUKONYERA, HANYUMA MUGARUKEMU EBIKAGUZO BINU:

• Bintu ebisobora kutiinisa omuntu kwehayo kandi akabatizibwa?

• Abagurusi nibasobora bata kukonyera abeegi ba Baibuli kukurakurana omu by’omwoyo?

• Isaya 41:10 netwegesa ki hali Yahwe?

• Miringo ki eratukonyera kuheereza Yahwe n’obuturaaba tutahikiriire?