Ebyafaayo nibyoleka ngu, emirundi erukukira obwingi ab’eby’obulemi baikaire nibakonyera abantu ba Yahwe. (Ezer 6:1-12; Es 8:10-13) N’omu kasumi kanu, tuboine “ensi” abo nubo ab’eby’obulemi nibamira “ekyambu” eky’okuhiganiza ekiretwa Sitaani. (Kus 12:16) Obwire obumu, Yahwe Ruhanga arukujuna, nasobora kukozesa abalemi ab’omu nsi kurwanirra abaheereza be.​—Zab 68:20; Nfu 21:1.

Kandi kakuba oba otairwe omu nkomo habw’okwikiriza kwawe? Oikale okimanyire ngu Yahwe nakuliinda. (Kub 39:21-23; Zab 105:17-20) Noija kutunga empeera habw’okwikiriza kwawe kandi obwesigwa bwawe nibwija kugarramu ab’oruganda ab’omu nsi yoona amaani.​—Baf 1:12-14; Kus 2:10.

MUROLE VIDIYO AB’ORUGANDA OMU IHANGA LYA KOREA BALEKIIRWE KURUGA OMU NKOMO, HANYUMA MUGARUKEMU EBIKAGUZO BINU:

• Habwaki enkumi n’enkumi ez’ab’oruganda baikaire nibasibwa omu nkomo kumara emyaka nyingi omu ihanga lya South Korea?

• Ncwamu ki eza kooti yakozere ezaletiire ab’oruganda kuruga omu nkomo?

• Nitusobora tuta kukonyera ab’oruganda boona abasibirwe omu nkomo habw’okwikiriza kwabo?

• Obugabe obutwine hati nitusobora kubukozesa tuta?

• Noha ou tusemeriire kusiimwa habw’obusinguzi obutuhikaho omu kooti?