Kuruga omu 2018, buli magaziini ebaire neturuka n’ebazaaho isomo limu lyonka. Magaziini zinu zoona ziri kicweka ky’Ebikwato Byaitu Ebitukozesa Kwegesa. Nahabweki nitusobora kuzikozesa omu buheereza. Nitusobora n’okutwaraho ezimu obuturukuba tuli omu rugendo rundi nitugenda kugura ebintu. Titukozesa magaziini zinu kwegesa abantu Baibuli baitu nizisobora kuletera abantu kugonza kumanya bingi ebirukukwata hali Ruhanga.

Hanyuma y’okutandika kubaza n’omuntu, soma ekyahandiikirwe hanyuma oyanjule isomo eriri omu magaziini erisobora kumusemeza. Ekyokurorraho kakuba aba aine eka rundi naraba omu kuganya rundi okwetuntura, n’osobora kugamba oti: “Enyumaho nkasomaho akacweka akarukukwata ha nsonga egi. Nkakwoleke?” Kakuba ayoleka ngu n’agonza kumanya ebirukukiraho, n’osobora kumuha magaziini enyakutiirwe rundi kumusindikira eya ha byoma byakalimagezi na ha murundi ogw’okubanza. N’obukiraaba ngu kugaba ebitabu tikiri nikyo kigendererwa kyaitu ekikuru, magaziini nizisobora kutukonyera kuzoora abo abetegekere kukorra ha bintu barukwega.​—Eng 13:48.