Ebintu ebyahangirwe nibirangirra ekitinisa kya Yahwe. (Zab 19:1-4; 139:14) Baitu, ensi ya Setani eyegesa ebitahikire ha ndugirro y’obwomeezi kandi enyegesa zinu tizihaisa Ruhanga ekitinisa. (Bar 1:18-25) N’osobora kukonyera ota abaana baawe kutahabisibwa enyegesa zinu? Bakonyere bakyali bato kutunga okwikiriza ngu Ruhanga aroho kandi ngu n’abafaaho. (2Kol 10:4, 5; Bef 6:16) Lengaho muno kumanya omulingo barukwehurramu ha bintu ebibarukwegesebwa ha isomero. Kandi kozesa ebikwato ebitwine kuhika ha mitima yabo.—Nfu 20:5; Yak 1:19.

RORA VIDIYO EBITEEKEREZO BY’ENSINGAANTO BAGENZI BAAWE—OKWIKIRIRIZA OMULI RUHANGA, HANYUMA MUGARUKEMU EBIKAGUZO BINU:

• Nyegesa ki ey’etahikire zohurra ezirukukwata hali Ruhanga?

• Omu isomero lyanyu babegeesa bintu ki?

• Kiki ekirukugumya ngu Yahwe aroho?

• N’osobora ota kukonyera omuntu kumanya ngu Ruhanga akahanga ebintu byona?