Yesu obwakaba ali omu nsi, akatererra abantu kworobera ekiragiro kinu: “So na nyoko obatinege.” (Kurug 20:12; Mat 15:4) Yesu akasobora kubazaaho ensonga enu atarukutiina habwokuba nauwe akaba ayorobiire bazaire be obwakaba akyali muto. (Luk 2:51) Kandi n’obuyakuzire, Yesu obwakaba ali haihi kufa akakoma omuntu ay’akuroleriire nyina.​—Yoh 19:26, 27.

N’omu kasumi kaitu kanu, abaana Abakristaayo boleka ngu nibatamu bazaire babu ekitinisa obu baborobera kandi bakabaza nabo kurungi. Amananu gali, ekiragiro kinu eky’okworobera abazaire tusemeriire kwikara nitukyorobera n’obuturakura. Bazaire baitu n’obu baraaba bakuzire, tusemeriire kugumizaamu nitubatamu ekitinisa kandi n’okugasirwa omu magezi gaabo. (Nfu 23:22) Tutekamu bazaire baitu abakuzire ekitinisa, obu tufaaho enyehurra zaabo n’okubaha obukonyezi obwa sente. (1Tim 5:8) N’obuturaaba tukuzire rundi tukyali bato, tusemeriire kwikara nitubaza kurungi n’abazaire baitu kwoleka ngu nitubatamu ekitinisa.

MUROLE VIDIYO NSOBORA NTA KUBAZA N’ABAZAIRE BANGE? KANDI MUGARUKEMU EBIKAGUZO BINU:

• Habwaki kisobora kukugumira kubaza n’abazaire bawe?

• N’osobora ota kwoleka ngu notamu bazaire bawe ekitinisa obworukuba n’obaza nabo?

• Habwaki kikuru kubaza n’abazaire bawe? (Nfu 15:22)