HABWAKI KIKURU: ‘Okuhanura okuli omu mutima gw’omuntu obukuraaba kuli nk’amaizi agahamire,’ buli ebikaguzo biri nka baketi ey’okugataha. (Nfu 20:5) Abantu obutubakaguza kibanguhira kubaza naitwe. Kandi obu bagarukamu ebikaguzo ebi tutekaniize kurungi, kitukonyera kumanya entekereza yabo. Yesu nauwe akakozesa kurungi ebikaguzo. Nitusobora tuta kumwegeraho?

OMULINGO GW’OKUKIKORAMU:

• Kozesa ebikaguzo ebirakukonyera kumanya entekereza y’omuntu. Yesu akakaguza abegeswa be kusobora kumanya entekereza yabo. (Mat 16:13-16; be-E 238 ¶3-5) Bikaguzo ki eby’osobora kukaguza kumanya entekereza y’omuntu?

• Kozesa ebikaguzo ebirakonyera omuntu kwetegereza ensonga. Kusobora kuterekereza entekereza ya Petero ey’ekaba etahikire, Yesu akamukaguza ebikaguzo kandi akamuha n’eby’okugarukamu nukwo asobole kwecweramu ekihikire. (Mat 17:24-26) Bikaguzo ki eby’osobora kukozesa kukonyera omuntu kuhika ha nsonga enkuru?

• Siima arukukuhuliiriza. Yesu akasiima omuhandiiki hanyuma ‘y’okumugarukamu n’okwetegereza.’ (Mar 12:34) Bigambo ki eby’osobora kukozesa kwoleka ngu n’osiima omuntu hanyuma y’okugarukamu?

MUROLE EKICWEKA KY’OKUBANZA EKYA VIDIYO KORA OMULIMO YESU Y’AKOZERE​—KWEGESA, HANYUMA MUGARUKEMU EBIKAGUZO BINU:

• Habwaki ekyokurorraho kinu tikihikire n’obukiraaba ngu obutumwa buhikire?

• Habwaki kugarukira ha kusoborra kwonka kitarukumara?

MUROLE EKICWEKA KYAKABIRI EKYA VIDIYO, HANYUMA MUGARUKEMU EBIKAGUZO BINU:

• Ow’oruganda akakozesa ata kurungi ebikaguzo?

• Miringo ki endi enungi ei yakozeseze omu kwegesa kwe ei tusobora kumwegeraho?