OBWOMEEZI BWAITU NK’ABAKRISTAAYO
Okuhikiriza Kurungi Obuheereza Bwaitu—Kuleka Kwegesa Abeegi Ba Baibuli Abatarukukurakurana
HABWAKI KIKURU: Abantu basemeriire kukunga ibara lya Yahwe nukwo basobole kujunwa. (Bar 10:13, 14) Baitu, tali buli omu wena ow’aikiriza kwega Baibuli agonza kuhondera emisingi ya Yahwe omu bwomeezi bwe. Obwire bwaitu obutubukozesa kukonyera abo abetegekere kukora empindahinduka omu bwomeezi bwabo, tuba tubukozeseze kurungi. Omwegi obw’araaba atarukukurakurana hanyuma ya kasumi, ky’amagezi kuleka kwega nauwe, nukwo obwire bwaitu tubukozese kwegesa abantu abarukugonza kwirra haihi na Yahwe hamu n’ekitebe kye. (Yoh 6:44) Baitu hanyuma y’akasumi, kakuba omuntu ogu akora empindahinduka kandi akoleka ngu aine ‘entekereza enungi ey’esobora kumukonyera kutunga obwomeezi obutahwaho,’ twongere tutandike kumwegesa Baibuli.—Eng 13:48, NW.
OMULINGO GW’OKUKIKORAMU:
-
Siima omwegi habw’okugonza kwega amananu.—1Tim 2:4
-
Mwoleke nk’oku kiri kikuru kuta omu nkora eby’ayegere.—Luk 6:46-49
-
Omu mulingo ogw’embabazi bazaaho ekyokurorraho kya Yesu eky’omusigi, kandi omugambire kutekerezaaho ekisobora kuba nikimulemesa kukurakurana.—Mat 13:18-23
-
Omu mulingo ogw’amagezi musoborre ensonga habwaki nogenda kuleka kwega nauwe
-
Mumanyise ngu noija kumubungiraga dimu na dimu kumugarramu amaani kandi omugambire ngu nimwija kwongera kutandika kwega obw’arakora empindahinduka
MUROLE VIDIYO, KANDI HANYUMA MUGARUKEMU EBIKAGUZO BINU:
-
Kiki eky’ohuliire omu bigambo by’omwegi ekirukwoleka nk’oku akaba atarukukurakurana?
-
Omutebezi akakonyera ata omwegi kwetegereza nk’oku akaba nayetaaga kukora empindahinduka omu bwomeezi bwe?
-
Omutebezi akoleka ata omwegi nk’oku akaba ayetekaniize kwongera kwega nauwe obw’arakora empinduka?