Baibuli ekaranga ngu Setani naija kutuhiganiza kugonza kutulemesa kukora omulimo ogw’okutebeza amakuru amarungi. (Yoh 15:20; Kus 12:17) Nitusobora tuta kukonyera ab’oruganda abali omu mahanga agarumu okuhiganizibwa? Tubasabire. “Okusaba kwomuntu ahikirire nukusobora muno omu kukora kwakwo.”—Yak 5:16.

Biki ebitusobora kusaba? Tusabe Yahwe akonyere ab’oruganda n’abanyanya itwe kuba bamanzi nukwo batatiina. (Is 41:10-13) Nitusobora n’okusabira abalemi batwikirize kutebeza, “nukwo tuikalege nobusinge nokuhumura omu biro byaitu.”—1Tim 2:1, 2.

Paulo na Petero obu bahiganiziibwe, Abakristaayo bagenzi baabo abo mukyasa eky’okubanza bakabasabira kandi bayatura n’amabara gaabo obu baali nibasaba. (Eng 12:5; Bar 15:30, 31) N’obuturaaba tutarukumanya amabara goona agab’oruganda abarukuhiganizibwa, nitusobora kwatura ebitebe byabo, amahanga gaabo rundi ebiikaro ebi barumu obuturaaba nitusaba.