Habwaki osemeriire kugambira bazaire baawe ebyorukutekereza otarukubasereka? (Nfu 23:26) Habwokuba Yahwe abahaire obujunanizibwa bw’okukurolerra n’okukuhabura. (Zab 127:3, 4) Nikisobora kubagumira kukukonyera kakuba obasereka ensita zaawe n’ebirukukweraliikiriza. Ekindi, torukwija kugasirwa omu bintu ebibaarabiremu n’obukugu obubatungire omu bwomeezi bwabo. Tikiri kibi ebintu ebimu kubyesigaliza, baitu werinde kubiiha abazaire baawe.​—Nfu 3:32.

N’osobora ota kubaza n’abazaire baawe? Lengaho kukomamu obwire oburungi haliiwe na halibo. Eki obukiraaba kigumire, n’osobora kuhandiika ebitekerezo byawe omu bbaruha kandi ogihe omu halibo. Baitu kakuba baba nibagonza mubazeeho ekintu eky’otarukugonza kubazaaho? Ijuka ngu mali nibagonza kukukonyera. Abazaire baawe barole nk’abasagiki baawe, hatali nk’abanyanzigwa. Obworateekamu amaani kubaza n’abazaire baawe otarukubasereka, noija kugasirwa hati, n’ebiro byona!​—Nfu 4:10-12.

MUROLE VIDIYO EMYAKA YANGE EY’OBUTO​—NINSOBORA NTA KUBAZA N’ABAZAIRE BANGE? HANYUMA MUGARUKEMU EBIKAGUZO BINU:

• Kiki Esther na Partik ekibayetegeriize?

• Kiki eky’osobora kwegera ha kyokurorraho kya Yesu?

• Abazaire baawe boolekere bata ngu nibakufaaho?

• Misingi ki kuruga omu Baibuli ey’esobora kukukonyera kubaza n’abazaire baawe?