Yahwe akurora nk’omuntu ow’omuheendo. (Is 43:4) Akucunzire yakwiriza haihi nauwe kandi yakuleeta omu kitebe kye. Habwokuba okehayo kandi w’abatizibwa, hati oli wa Yahwe. Naija kukuroleerra nk’ekintu kye eky’omuheendo mwingi, n’obworaaba n’oraba omu bizibu. Naija kukwoleka okugonza okutalekera kurabira omu kitebe kye.​—Zab 25:10.

Nitusobora kweyongera kwoleka okusiima habw’okugonza kwa Yahwe okutalekera kuraba omu kweijukyamu ebintu ebyakozerwe ekitebe kye obuhaabaireho ebigwererezi omu bwire bw’enyuma.

MUROLE VIDIYO RIPOOTI EY’AKATEBE AKATERANIZA EYA 2019, HANYUMA MUGARUKEMU EBIKAGUZO BINU:

• Akatebe Akateraniza katekaniize kata ofiisi z’amataagi omu nsi yoona kusobora kukonyera abahikirweho ebigwererezi?

• Ekitebe kya Yahwe kikaheereza kita oburagirizi n’obukonyezi, obuhabaireho ebigwererezi omu Indonesia na Nigeria?

• Kiki ekikusemiize ha bintu ekitebe ky’akozere obuhaizireho oburwaire bwa COVID-19?