Nitugonza kusemeza Yahwe omu byona ebitukora. (Nfu 27:11) Baitu kusobora kukikora, tusemeriire kwega kukora encwamu ezirukwoleka entekereza ye n’obuharukuba hataroho ekiragiro ekirukubazaaho enyikara yonyini eiturumu. Kiki ekiratukonyera kukora eki?

Ikara n’oyesomesa Baibuli butoosa. Buli murundi tusoma Baibuli, tuba nitusisana nk’abarukumara obwire na Yahwe. Nitusobora kumanya entekereza ya Yahwe kuraba omu kwegaho omulingo yatwaizeemu abantu be hamu n’okwekebiija ebyokurorraho eby’abo abaakozere ebirungi rundi abaakozere ebibi omu maiso ge. Kakuba tuba nitugonza kukora encwamu, omwoyo ogurukwera nigusobora kutukonyera kwijuka amasomo amakuru n’emisingi eitwayegere omu Kigambo kya Ruhanga.​—Yoh 14:26.

Seruliiriza. Kakuba oba n’ogonza kukora encwamu, wekaguze, ‘Byahandiikirwe ki kuruga omu Baibuli ebisobora kunkonyera kwetegereza omulingo Yahwe aroramu ensonga enu?’ Saba Yahwe akukonyere kandi okozese ebikwato ebitukozesa kuseruliiriza ebiri omu rulimi rwawe, nukwo bikukonyere kutunga emisingi ya Baibuli erukukwata ha nyikara yaawe n’omulingo osobora kugiteka omu nkora.​—Zab 25:4.

MUROLE VIDIYO TUSEMERIIRE “KWIRUKA N’OKUGUMIISIRIZA”​—LYA EBYOKULYA EBIINE EKIRIISA, HANYUMA MUGARUKEMU EBIKAGUZO BINU:

• Kusigikirra ha vidiyo, munyaanya itwe omuto abaire nahikwaho okusindikirizibwa kwa mulingo ki?

  Your answer

• Ebikwato byaitu ebitukozesa kuseruliiriza nibisobora kukukonyera bita kusingura okusindikirizibwa nk’oku?

  Your answer

• Tugasirwa tuta obututunga obwire bw’okwesomesa n’okuseruliiriza ha bintu ebisobora kutukonyera kukora encwamu enungi?​—Baheb 5:13, 14

  Your answer