Baibuli n’esobora kuhindura obwomeezi bwaitu. (Baheb 4:12) Baitu kusobora kugasirwa omu buhabuzi, oburagirizi, n’amagezi agarumu, tusemeriire kukigumiza kimu ngu mali ‘Kigambo kya Ruhanga.’ (1Bas 2:13) Nitusobora tuta kugumya okwikiriza kwaitu omu Baibuli?

Buli kiro soma ekicweka kuruga omu Baibuli. Obworaaba n’osoma, serra obwakaiso oburukwoleka ngu Yahwe nuwe yagihandikisize. Ekyokurorraho, wekebiije amagezi agarukusangwa omu kitabu ky’Enfumo kandi wetegereze omulingo gatukonyera n’omu kasumi kanu.​—Nfu 13:20; 14:30.

Serra ekintu eky’orayesomesaaho. Wesomeseeho obwakaiso oburukugumya ngu Baibuli ekaterekerezebwa omwoyo ogurukwera. Omu Research Guide for Jehovah’s Witnesses, rora hansi y’omutwe “The Bible” oserre “Inspired by God.” N’osobora n’okukigumya ngu obutumwa bwa Baibuli tubukahindukaga kuraba omu kwesomesa ebirukusangwa omu kicweka Appendix A3 omu Baibuli eya New World Translation.

MUROLE VIDIYO ENSONGA HABWAKI TWIKIRIRIZA OMU . . . KIGAMBO KYA RUHANGA, HANYUMA MUGARUKEMU EBIKAGUZO BINU:

• Ebyazoirwe ha yekaru ey’omu Karnak, omu ihanga lya Misiri, nibigumya bita ngu Ekigambo kya Ruhanga kihikire?

  Your answer

• Nitukimanya tuta ngu obutumwa obw’omu Baibuli tibukahindukaga?

  Your answer

• Kurora ngu Baibuli eroho kuhikya na hati nikigumya kita ngu mali Kigambo kya Ruhanga?​—Soma Isaya 40:8

  Your answer