Omu biro binu ebya ha mpero, tuhikwaho ebirengo bingi eby’amaani. Obwire obumu nitusobora kuhikwaho ebirengo bingi kandi kituleetere kwehurra ngu titurukusobora kubigumira. Baitu, kakuba tugumizaamu kwirra haihi na Yahwe, naija kutukonyera kubigumira n’obubiraaba by’amaani kwingana nkaha. (Is 43:2, 4) Nitusobora tuta kwirra haihi na Yahwe n’obuturaaba nituhikwaho ebirengo?

Kusaba. Obutugambira Yahwe ekituli ha mutima, atuha obusinge omu bitekerezo n’amaani kusobora kubigumira.​—Baf 4:6, 7; 1Bas 5:17.

Ensorrokano. Kasumi kanu, nitwetaaga muno ebyokulya eby’omwoyo n’okuba hamu n’Abakristaayo bagenzi baitu omu nsorrokano kukira na kara. (Baheb 10:24, 25) Obutwetekaniriza ensorrokano kandi tukazejumbiramu, tuba nitugasirwa omu bukonyezi bw’omwoyo gwa Yahwe ogurukwera.​—Kus 2:29.

Obuheereza. Nikiija kutwanguhira kuteeka omutima ha bintu ebirungi kakuba tukora kyona ekirukusoboka kwikara nitwejumbira omu buheereza. Ekindi, nitwija kugumya enkoragana yaitu na Yahwe hamu n’abakozi bagenzi baitu.​—1Kol 3:5-10.

MUROLE VIDIYO YAHWE NAIJA KUKUROLERRA, HANYUMA MUGARUKEMU EBIKAGUZO BINU:

• Kiki ekyakonyire Malu kwikara haihi na Yahwe obw’akaba n’ahikwaho ebirengo?

  Your answer

• Kusisanaho na Malu, ebigambo ebiri omu Zabuli 34:18 nibisobora bita kutuhuumuza obutuhikwaho ebirengo?

  Your answer

• Ekyokurorraho kya Malu nikyoleka kita ngu Yahwe atuha “amani agali amaingi muno” obutuba nituhikwaho ebirengo?​—2Kol 4:7

  Your answer