WEKAMBIRE OBUHEEREZA | YONGERA HA KUSEMERERWA KWAWE OMU BUHEEREZA
Hika Abantu ha Mutima
Kworobera Ruhanga kiruga ha mutima. (Nfu 3:1) Nahabweki obuturukuba nitwegesa, tusemeriire kwekamba kuhika abantu ha mutima. Omu mulingo ki?
Omwegi waawe otagarukira ha kumwegesa amananu kwonka, baitu mukonyere kumanya omulingo garukukwataho obwomeezi bwe hamu n’enkoragana ye na Yahwe. Mukonyere kwetegereza omulingo endengo za Baibuli zirukwoleka okugonza kwa Ruhanga, oburungi bwe hamu n’okuhikirra kwe. Omu mulingo ogw’amagezi, mukaguze ebikaguzo ebiramukonyera kumanya nk’oku arukwehurra ha bintu arukwega. Mukonyere kutekerezaaho omulingo obwomeezi bwe burayeyongera kusemera kakuba ayecwaho entekereza embi rundi engeso embi. Obworarora omwegi waawe n’agonza Yahwe kuruga ha mutima, noija kweyongera kusemererwa.
MUROLE VIDIYO TUNGA OKUSEMERERWA OKURUGA OMU KUFOORA ABANTU ABEGESWA—WEYONGERE KUBA MUKUGU—HIKA ABANTU HA MUTIMA, HANYUMA MUGARUKEMU EBIKAGUZO BINU:
-
Habwaki Neeta akagwize Jade ngu: “Okatekerezaaho ebintu ebitwabalizeeho Bbalaza?”
-
Neeta akonyire ata Jade kurora ngu endengo za Baibuli nizooleka ngu Yahwe n’amugonza?
-
Kakuba tuhika omwegi waitu ha mutima, nikiija kumwekambisa kukurakurana
Neeta akonyire ata Jade kwetegereza omulingo gw’okwolekamu ngu n’agonza Ruhanga?
