Kusalirirwa abandi, nikimanyisa kuba n’obusobozi obw’okwetegereza entekereza, enyehurra, engeso hamu n’ebyetaago by’abandi. Obutusalirirwa abandi kuruga ha mutima habwokuba nitugonza kubakonyera, nibaija kwanguha kukirora. Obutusalirirwa abantu omu buheereza, tuba nitwegera ha kugonza kwa Yahwe hamu n’omulingo afaaho abantu kandi kinu kibaletera kumwirra haihi.​—Baf 2:4.

Kusalirirwa abandi tikali kakodyo kwonka; tukwoleka kurabira omu mulingo turukuhuliiriza abantu, turukubazaamu nabo, turukukozesamu ebicweka byaitu eby’omubiri n’omulingo turukuzokamu ha maiso. Twoleka omuntu ngu nitumusalirirwa obutumufaaho kuruga ha mutima. Tumanya ebyarukugonza, enyikiriza ze hamu n’enyikara ezarukurabamu. Tumugambira ebintu ebiramukonyera baitu titumuhambiriza kukora empindahinduka. Abantu abaturukutebeza obubaikiriza obukonyezi bwaitu, kyongera ha kusemererwa kwaitu omu buheereza.

MUROLE VIDIYO TUNGA OKUSEMERERWA OKURUGA OMU KUFOORA ABANTU ABEGESWA​—WEYONGERE KUBA MUKUGU—​SALIRIRWA ABANDI, HANYUMA MUGARUKEMU EBIKAGUZO BINU:

• Jade obwaizire akereriirwe, Neeta ayolekere ata ngu namusalirirwa?

• Jade obwagambire ngu tarukwija kwega habwokuba ayetuntwire, Neeta ayolekere ata ngu namusalirirwa?

• Jade obw’agambire ngu tamanyire kutekaniza kurungi ebintu bye, Neeta ayolekere ata ngu namusalirirwa?