Nikikwetaagisa kuba n’okwikiriza kuruga omu kiikaro eky’omanyiriire okagenda omu kiikaro ekindi kwongera ha buheereza bwawe. (Baheb 11:8-10) Obworaaba oine ekigendererwa ky’okugenda nambere hali obwetaago bazaaho n’abagurusi b’ekitebe eky’orumu. Bintu ki eby’osobora kukora kumanya obworaaba n’osobora kuhikiriiza ekigendererwa kinu? Rora omulingo ebitabu byaitu birukubazaaho kuheereza nambere hali obwetaago. Bazaaho naabo abasoboire kugenda kukonyera omu kitebe ekindi. (Nfu 15:22) Saba Yahwe oburagirizi kurabira omu kusaba. (Yak. 1:5) Seruliirizaaho ekiikaro nambere orukugonza kugenda kandi obukiraaba nikisoboka gendayo omaleyo akasumi akaraihireho otakacwiremu.

MUROLE VIDIYO YONGERA HA BUHEEREZA BWAWE OINE OKWIKIRIZA​—GENDA NAMBERE HALI OBWETAAGO, HANYUMA MUGARUKEMU EBIKAGUZO BINU:

• Mpindahinduka ki Gabriel ez’akaba aine kukora, kandi kiki eky’amukonyiire?