OBWOMEEZI BWAITU NK’ABAKRISTAAYO
“Kurwanirra Amakuru Amarungi omu Mbuga z’Ebiragiro”
Abahakaniza obubalengereho kutanga Abaisaleri kwombeka buhyaka yekaru, abombeki bakakora ekirukusoboka kwikirizibwa kwombeka omu biragiro. (Ezer 5:11-16) Omu mulingo nugwo gumu, Abakristaayo kasumi kanu bakora kyona ekibarukusobora kurwanirra amakuru amarungi n’okugagumya kuraba omu biragiro. (Baf 1:7) Kusobora kukora eki, Ekitongole eky’Ebiragiro kikatandikwaho ha kitebe ekikuru eky’ensi yoona omu 1936. Kasumi kanu, Ekitongole eky’Ebiragiro ekiri ha Kitebe Ekikuru eky’Ensi Yoona kirwanirra emirimo ey’Obukama omu nsi yoona. Ekitongole kinu kikurakuraniize kita emirimo y’Obukama, kandi kigasiire kita abantu ba Ruhanga?
MUROLE VIDIYO KUBUNGIRA EKITONGOLE EKY’EBIRAGIRO HA KITEBE EKIKURU EKY’ENSI YOONA, KANDI HANYUMA MUGARUKEMU EBIKAGUZO BINU:
-
Bizibu ki Abakaiso ba Yahwe batungire omu mbuga z’ebiragiro?
-
Businguzi ki obutuhikireho kuruga omu by’ebiragiro? Bazaaho ekyokurorraho
-
Kiki buli omu haliitwe ekyasobora kukora kurwanirra n’okugumya amakuru amarungi omu mbuga z’ebiragiro?
-
Ninkaha ha mukura gwaitu nambere tusobora kusanga ebirukukwata h’abantu ba Yahwe obukirukuhika ha biragiro, n’orukarra rw’Abakaiso ba Yahwe abatairwe omu nkomo habw’okwikiriza kwabo?
