Habwaki tusemeriire kukozesa amagezi obuturukuba nitukomamu eby’okwesemeza? Habwokuba obutukomamu filimu ey’okurora, ekizina eky’okuhuliiriza, omukura gwa intaneeti, ekitabu eky’okusoma, rundi emizaano ey’okuzaana eyeri omu mulingo gwa vidiyo, tuba nitucwamu ebintu ebiturateeka omu bitekerezo byaitu. Encwamu zaitu zikwataho omulingo twetwazaamu. Eky’obusaasi kiri ngu, eby’okwesemeza ebirukukira obwingi ebiroho kasumi kanu birumu ebintu Yahwe anoba. (Zab 11:5; Bag 5:19-21) Nahabweki, Baibuli netutererra kwikara nitutekerezaaho ebintu ebikuhaisa Yahwe ekitiinisa.​—Baf 4:8.

MUROLE VIDIYO BY’OKWESEMEZA BYA MULINGO KI EBINSEMERIIRE KUKOMAMU? HANYUMA MUGARUKEMU EBIKAGUZO BINU:

• Eby’okwesemeza ebyakara omu nsi ya Roma nibisisana bita n’eby’okwesemeza ebimu ebiroho kasumi kanu?

• Ab’oruganda omu kitebe nibasobora bata kukonyera abato kukomamu eby’okwesemeza omu mulingo ogw’amagezi?

• Ekyahandiikirwe ekiri omu Abarumi 12:9 nikisobora kita kutukonyera obuturukuba nitukomamu eby’okwesemeza?

• By’okwesemeza ki ebirungi ebiri omu kicweka kyanyu?