Vidiyo zegesa abantu nibetegereza kurungi habwokuba baba nibarora kandi nibahurra. Vidiyo zikonyera abantu kwikara bahuliriize n’okwijuka ebintu ebikuru. Yahwe ateireho ekyokurorraho kirungi omu kwegesa n’akozesa ebintu ebirukurorwa.—Eng 10:9-16; Kus 1:1.

Haroho vidiyo ezirukukonyera kwongerezaaho isomo 2 hamu 3 eza burocuwa Amakuru Amarungi. Vidiyo zinu nizo: Ruhanga Aine Ibara?, Noha Ayahandikisiize Baibuli?, hamu na Nitusobora kugumya tuta ngu Baibuli Ehikire? Kandi vidiyo ezisobora kutamu omuntu ekihika ky’okwega Baibuli rundi kwija omu nso’rokano nizo: Habwaki Osemeriire Kwega Baibuli?, Omulingo Twegesa Abantu Baibuli?, hamu na Biki Ebikolebwa omu Kingdom Hall? N’osobora n’okukozesa vidiyo zindi zoona ez’ekitebe obw’orukuba n’oyegesa omwegi wa Baibuli obw’orarora ngu niziikiraniza n’ebiri omu kitabu ekimurukwega.—km-E 5/13 3.

• Iha ha mukura vidiyo ey’orukugonza kwoleka omuntu ow’oraaba n’ogenda kutebeza

• Teekaniza ekikaguzo kimu rundi bibiri eby’omanyire ngu vidiyo neija kubigarukamu

• Obworagendayo, vidiyo mugirole hamu

• Mubazeeho ensonga enkuru ezibaire omu vidiyo

• Yoleka omuntu koodi eri enyuma ya turakiti erukusobora kumuhikya ha vidiyo Habwaki Osemeriire Kwega Baibuli?

• Yoleka omuntu ow’orukutebeza vidiyo Nitusobora Kugumya Tuta ngu Baibuli Ehikire? hanyuma omusigire burocuwa Amakuru Amarungi. Mubazeeho isomo 3